Dende o sindicato estudiantil Universidat, Estudiants Independentistas y Revolucionarias d’Aragón queremos comunicar o nuestro pleno refirme a la convocatoria de Vada Cheneral o venient 14 de noviembre. Creyemos que a vada cheneral ye una d’as ainas prencipals d’a clase treballadera t’aconseguir os suyos obchetivos y en iste caso ta prebar de resistir debant d’as politicas neoliberals d’o capitalismo espanyol y global.
Iste ature cheneral ha d’estar tamién una convocatoria t’os y as estudiants aragonesas que han de prener iste diya como una chornada de luita por os suyos dreitos y o suyo esdevenidero. Ye por isto que Universidat participaremos activament en o diya d’a vada y clamamos a todas as estudiants aragonesas a secundar-la, a no acudir a clase y a estar en os piquets d’os centros educativos.
Universidat, Estudiants Independentistas y Revolucionarias d’Aragón
