Totz os lingüistas coinciden en que l'estándar ye a ferramienta que permite a las luengas minorizadas meter-se a mesmo libel y con as mesmas oportunidatz que a resta de luengas mayoritarias.
O PP lo sabe, y una vegada que no puede luitar contra l'evidencia d'a existencia de l'aragonés ni la suya historia, s'agafa a ista ascla, que ye l'oposición a lo suyo estándar.
A estandarización d'una luenga posibilita que ista s'incorpore a ámbitos dica agora vetaus: ensenyanza, administración, meyos de comunicación, literatura escrita...
Ye cierto que queda encara un largo camino por recorrer pa situar-se a la par que as atras luengas, pero con ista ferramienta se demuestra que l'aragonés ye capacitau pa poder estar usau en o campo que siga menister, siempre que cuente con as condicions politicas y recursos economicos que cal.
Permite que muitas personas puedan aprender a luenga sin a necesidat de vivir en un lugar aragonesoparlant pa conseguir-lo. Personas residents en zonas an que l'aragonés se heba perdiu u an que no consta que se charrase nunca, mesmo en lugars d'o mundo luen d'Aragón.
A parla gana prestichio. Ya no se considera un conchunto inconexo de "dialectos" sino una luenga a mesmo libel que la resta de luengas d'o mundo.
