#LuengasAragón  Culturas

29 luengas en periglo, Madrit y Paris contra as luengas

Seguntes a UNESCO, en os Estaus francés y espanyol existen un total de 29 luengas en periglo, 26 en o Estau galo y cinco en o espanyol -euskara y gascón son en totz dos-. L’incumplimiento d’a Carta Europea de Luengas Minoritarias mete de manifiesto o nulo intrés de totz dos estaus de fer bella cosa...
| 30 junio, 2013 14.06
Manifestación a favor de la ikastola de Hendaia | Bob Edme

Manifestación a favor de la ikastola de Hendaia | Bob Edme

Seguntes a UNESCO, en os Estaus francés y espanyol existen un total de 29 luengas en periglo, 26 en o Estau galo y cinco en o espanyol -euskara y gascón son en totz dos-. L’incumplimiento d’a Carta Europea de Luengas Minoritarias mete de manifiesto o nulo intrés de totz dos estaus de fer bella cosa a o respecto, pese que o Parlamento Europeu ha instau recientment a os gubiernos a protecher a diversidat lingüistica europea.

O PP valenciano exiche a la Reyal Academia Espanyola (RAE) que reconoixca o valenciano como luenga no catalana, situando o suyo orichen en l’iberico y no en o latín. O PP aragonés cambea, por medio d’una lei, o nombre de l’aragonés -agora LAPAPYP– y d’o catalán -agora LAPAO-. As ikastolas d’o sud de Nabarra emiten un SOS, afogadas economicament. Mientres s’ataca o modelo d’immersión lingüistica catalán, o ministro d’educación, José Ignacio Wert, evita responder sobre as 120.000 familias que no pueden escolarizar a os suyos fillos en catalán en o País Valenciano. A l’atro costau d’os Pirineus, a o ministro d’Interior francés, o catalán Manuel Valls, le pareixe «inconcebible» a cooficialidat d’o corso, exichida pocas semanas antes por l’Asamblea de Corcega.

Ista chicota colección d’agravios a luengas minoritarias s’ha produciu en menos de dos meses, en os mesmos diyas en que o Parlamento Europeu instaba a os países miembros a protecher a diversidat lingüistica d’o viello continent. Son tasament unos botons de muestra d’a politica lingüistica en vigor en os estaus espanyol y francés.

Una politica lingüistica que afoga a l’euskara –mas que mas en Nabarra y Ipar Euskal Herria-, pero tamién a la resta de luengas minoritarias que se charran en istes dos estaus. Seguntes ‘l’Atlas d’as luengas d’o mundo en periglo’, elaborau por a UNESCO, en o Estau espanyol se cuntan tres luengas en periglo -aragonés, astur-lionés y aranés-, una en estau vulnerable –euskara- y una extinta -o guanche canario-.

As cifras espantan encara mas en o caso d’o Estau francés. Seguntes o mesmo atlas, en l’Hexagono existe 26 luengas en periglo, a metat d’as qualas son catalogadas como «seriosament en periglo» por a UNESCO. Entre ellas se’n troban, por eixemplo, o provenzal, o bretón u o normando.

A Carta Europea d’as Luengas, papel mullau

Iste contexto lingüistico no ye casual, sino que ye fruito, en gran parte, d’as politicas lingüisticas desembolicadas por totz dos países. Pese a la dificultat d’evaluar a calidat d’a politica lingüistica d’un país, a Carta Europea d’as Luengas Minoritarias u Rechionals ofreixe un buen instrumento. Iste documento d’o Consello d’Europa -no trafucar con a Unión Europea- estió aprebau en noviembre de 1992 por totz os estaus miembros, con l’obchectivo de defender y promover as luengas minoritarias d’Europa.

O suyo posterior desembolique, manimenos, ha deixau en evidencia a belún d’os países sinyants, entre ells, y en posición destacada, os estaus francés y espanyol. Asinas l’explica o secretaire cheneral de Kontseilua, Paul Bilbao, que remarca, antes de cosa, que París no ha ratificau a Carta, por a qual ista no ye en vigor en o Estau francés. Respective a Madrit, Bilbao explica que «la ha ratificada, pero no se cumple» y como eixemplo mete o mundo chudicial y o sanitario, en o qual o Consello Europeu ha recomendau de cambiar a lei ta guaranciar os dreitos d’os euskalduns. «A l’Estau espanyol se le han feito tres evaluacions y ha quedau claro que no cumple a carta, ye decir, que no se prene en serio os compromisos exichius por dito pacto», concluye.

Beñat ZalduaNAIZ

30 junio, 2013

Autor/Autora

NAIZ es una web de información general que ofrece contenidos actualizados las 24h del día durante todo el año. Dentro de Naiz se publican también otros medios de comunicación, algunos que tienen edición en papel (GARA, GAUR8, ZAZPIKA), otros con difusión audiovisual (INFO 7 IRRATIA) y otros únicamente digitales (MEDIABASK, KAZETA).(naiz.eus / @naiz_info)


Twitter
Facebook

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de nuestra política de cookies, pinche el enlace para mayor información.

CERRAR