Ya ye en marcha o VI concurso de haikus en aragonés

Pa participar, se tienen que escribir os haikus en o evento de Facebook. Si quiers escribir en Twitter, fez-lo con o hashtag #VIconcursohaikusaragones

Dende a pachina de Facebook L’Aragonés en Plana Uesca, se convoca a seisena edizión d’o concurso d’escritura de haikus en aragonés.  A fin d’o concurso ye a promozión de l’uso de l’aragonés e d’a creazión literaria en ixa lengua en os retes sozials Facebook e Twitter.

O concurso se rechirá por as siguiens normas:

1.- Se podrá partizipar en o concurso dende as 00.00 oras d’o día 17 de mayo dica las 00.00  oras d’o 31 de mayo

2.- S’abrá d’escribir en lengua aragonesa. Cualsequier modelo ortografico ye valido

3.- Se i puede partizipar a traviés de Facebook u Twitter

4.- Pa partizipar en Facebook s’escribirán os haikus en o evento “6eno Concurso de haikus en aragonés” que se creará a tal efecto: https://www.facebook.com/events/276585216801686/

5.- Pa participar-bi a traviés de Twitter s’escribirán os haikus con o hastag #VIconcursohaikusaragones

6.- Se i podrá partizipar tantas vegadas como se quiera, sin limite d’escritura de haikus

7.- O haiku s’achustará a la metrica clasica de tres versos de zinco, siete e zinco ”moras”, ye dezir, silabas metricas

8.- Se conzederá un unico premio atorgau a lo millor haiku, que será designau por o Churau

9.- O premio consistirá en un lote de libros e materials donaus por as editorials e entidaz colaboraderas

10.- Con a partizipazión en o concurso, s’azepta a zesión d’os dreitos de publicazión d’os haikus tanto en formato papel como en formato dichital

11.- A partizipazión en o concurso suposa l’azeptazión d’estas normas

Autor/Autora

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de nuestra política de cookies, pincha el enlace para más información.

ACEPTAR
Aviso de cookies