ARREDOL | Os XIV premios d’a mosica aragonesa (PMA) se presentoron iste miercols en o Espacio Ámbar d’a interpresa de bieras La Zaragozana, a on que se conoixioron os quatre candidatos ta cadagún d’os premios. Istos premios se entregarán en una gala que se celebrará, como atras anyadas en o Teatro Principal de Zaragoza y a on que se podrán viyer as actuacions de Gavy Sander’s, The Faith Keepers, y Lírico. Virginia Martínez, periodista y showoman, será qui presente a gala, que será televisada por ZTV.
Os premios son organizaus por Aragón Musical y conta con patrocinadors publicos, como lo Concello de Zaragoza, y privaus. Ista anyada o Gubierno d’Aragón ha sacau o 100% d’a subvención que recibiban en anteriors edicions. Sergio Falces, portavoz d’os organizadors ha expresau “a suya tristura” por iste feito, de vez que ha dito que “no van a deixar de celebrar-se istos premios en venients ocasions entre que bi haiga prous propuestas mosicals en Aragón, que hue bi’n ha de sobras, y son as que de verdat marcan a nuestra realidat mosical”.
O premio t’a “millor canta en luenga autoctona aragonesa” cambia o suyo nombre. Dica l’anterior edición yera t’a “millor canta en luenga minorizata”. D’iste, d’o premio t’a millor producción y d’o premio global d’a mosica aragonesa que engueró l’anyada pasada Aurora Beltrán, encara no se conoixen os nombres d’os candidatos suyos.
En ista edición, a colla con más candidaturas ye Aer, como millor solista, millor canta, millor album autoeditau y millor video. Le siguen con tres candidaturas Lírico y The Faith Keepers. Ya con dos i son Tako, Bunbury, Cube, Guisante, Amaral y Mister Hyde.
A resta de candidatos ta bell premio son: Avv Arrebato, Interlude, DJ Pendejo, Capitan Lillo, Amorica, Aragón Metal, Aragón También Tiene Sed, Crisálida, Dadá, David Sancho, Después de Todo, De Vito, DJ Potas, El Veintiuno, Esparatrapo, Joaquín Carbonell, Limnopolar por o suyo video dirichiu por Iván Castell, Mercury Rex, Mondosonoro, Pablo Ferrer, Pecker y Manso, Pirineos Sur, R de Rumba, RedRum, Sala López, Simón Zico, Stabilito & The Space Oddithree, The Bärds, Ticket, Urban Contack por a suya portalada feita por Isaac Mahow, Zaragoza Conciertos y Zaragoza Tv (ZTV).
Os candidatos t’os premios son:
Premio Especial ta una Trachectoria
- Don Javier Ezpeleta, Gavy Sander’s
Millor Colla
- Cube
- RedRum
- Tako
- The Faith Keepers
Millor Solista
- Aer
- Bunbury
- David Sancho
- Lírico
Millor Album
- “A la Deriva” de Interlude
- “De Vito” de De Vito
- “Leap of Faith” de The Faith Keepers
- “Un antes y un después” de Lírico
Millor Tema Mosical
- “Canción para Dimitris” de Joaquín Carbonell
- “Coche” de Aer
- “El Alma Atada” de Tako
- “A fuego lento” de Lírico
Millor Directo
- Amaral
- Dadá
- Después de Todo
- The Faith Keepers
Millor album autoeditau
- “Envasado en hechos reales” de Guisante
- “Iluminando los Colores” de Mister Hyde
- “Origen” de Cube
- “Recuerdos del Futuro” de Aer
Millor EP
- “Canciones con(de) Coraz(i)ón” de Stabilito & The Space Oddithree
- “Interludio” de Pecker y Manso
- “La Revolución de Terciopelo” de Crisálida
- “Try” de The Bärds
Mayor Prochección
- Amorica
- Esparatrapo
- Mercury Rex
- Ticket
Millor Programación
- Avv Arrebato
- El Veintiuno
- Pirineos Sur
- Sala López
Millor Portalada
- “Envasado en Hechos Reales” de Guisante por Münster Studio
- “Iluminando los Colores” de Mister Hyde por Gustaff Choos
- “Leap of Faith” de The Faith Keepers por Raúl Mest
- “Zona Hostil” de Urban Contack Clan por Isaac Mahow
Millor Video
- “Licenciado Cantinas” de Bunbury dirigido por Alexis Morante
- “Hoy es el principio del final” de Amaral dirigido por Alberto Van Stokkum
- “Subiendo los Colores” de Limnopolar dirigido por Iván Castell
- “Tanto te dirán” de Aer dirigido por Beatriz Abad
Millor Disc Jockey
- DJ Pendejo
- DJ Potas
- R de Rumba
- Simon Zico
Mayor Refirme
- Mondosonoro
- Pablo Ferrer
- Periferias
- Ztv
Millor Web
- Aragón Metal
- Aragón También Tiene Sed
- Capitán Lillo
- Zaragoza Conciertos
