Ya se conoixe a programación d’as Chornadas d’as luengas d’Aragón

Ya ye publica la programación d’as Chornadas d’as luengas d’Aragón que organiza todas as anyadas l’asociación cultural Nogara. En ista XXII edición, s’ha prolargau a duración, plegando a las siet actividatz que se ferán entre os diyas 13 y 21 d’abril en o Centro Joaquín Roncal de Zaragoza.

nogara aragonesYa ye publica la programación d’as Chornadas d’as luengas d’Aragón que organiza todas as anyadas l’asociación cultural Nogara. En ista XXII edición, s’ha prolargau a duración, plegando a las siet actividatz que se ferán entre os diyas 13 y 21 d’abril en o Centro Joaquín Roncal de Zaragoza.

As chornadas prencipiarán o lunes 13 con un taller de radio en aragonés a on que bi habrá representants d’os programas A hora charrante, Fendo Orella, Radio Semontano y Ca2Radio, antimás d’a presencia de qualques autoras d’o fanzine feminista en aragonés “Mullers y cordials”. O martes 14 se presentará o libro “Historietas d’un lugar d’as Cinco Villas“, con a presencia de l’autor José Arbués y de Chuse Raúl Usón, editor de Xordica editorial.

Atro escritor, Jose María Satué, autor entre muitas atras cosas d’a columna Carasol aragonés que publica Heraldo de Aragón, continará con as chornadas o mierques 15. Diego Colás, president d’a Coordinadora por la Reapertura del Canfranc (CREFCO), respondera o chueves 15 a la pregunta “¿Porqué reubrir o Canfranc?". A semana rematará con Maria José Girón, naixida de Secastilla (Ribagorza) que ferá una charrada sobre “Turismo lingüistico. Achuntand neofablants y patrimonials“.

O diya 20 continan as chornadas con una “visita turistica en aragonés per o casco historico d’a ciudat” menada por Chusé García-Moreno, actividat que ya se fació con atro recorriu en a edición pasada y que tenió firme exito. O prencipio d’o recorriu será a las 19.00 en o propio Centro Joaquín Roncal. As chornadas rematan o martes 21, con un taste de vins de Denominación d’Orichen Carinyena y de quesos de O Xortical, en a seu de Nogara, en a Plaza Asso.

“Por istas chornadas con más de dos decadas d’historia, han pasau escritors, activistas, filologos, sociologos, editors, historiadors y lingüistas, de toda mena y de firme prestichio, prebando d’alportar anvistas y experiencias a lo debat sobre a realidat lingüistica aragonesa”, recuerdan dende Nogara, qui asperan “prou presencia d’as personas intresadas en as luengas propias d’Aragón”.

Articlo orichinal en Arredol

Autor/Autora

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de nuestra política de cookies, pincha el enlace para más información.

ACEPTAR
Aviso de cookies