En o Estau espanyol corresponderían 1.170 d'as muertes prematuras que o carbón causa en Europa y superarían as 1.128 muertes que causoron os accidents de trafico en o mesmo anyo de referencia d'o estudeo 2013. Amás, as centrals espanyolas de carbón provocoron 690 muertes prematuras difuera d'as mugas espanyolas. D'istas, a central que mas muertes prematuras cheneró estió a d'Andorra, Andorra-Sierra d'Arcos en Aragón; y as que mas contaminoron as de Aboño, en Asturies, As Pontes, en Galiza y Litoral, en Almería.
L'informe analisa os impactos sobre a salut provenientes d'a contaminación de l'aire de todas las plantas de carbón de el qual se tienen datos (257 sobre un total de 280). Tamién revela que en 2013 as emisions provenientes d'o carbón en toda Europa estioron responsables de mas de 22.900 muertes prematuras (comparables con as 26.000 muertes en accident de trafico en o mesmo anyo en a Unión Europea), decenas de milars de casos de malotías d'o corazón u bronquitis y un gasto estimau en 62.300 millons d'euros en costes sanitarios.
Por primera vez, l'informe ha analisau cómo viacha o polvo produciu por istas centrals a traviés d'as mugas europeas. Os cinco países que más muertes provocoron difuera y dentro d'o suyo territorio estioron Polonia (5.830 muertes prematuras), Alemanya (4.350), Reino Uniu (2.870). Rumanía (2.170) y Bulgaria (1.570). O Estau espanyol estió o sexto estau con un total d'1.530 fallecimientos, d'os quals 840 se producioron dentro d'o país. Por a suya parte, os piors impactos sobre a salut a causa d'a crema de carbón los sufrió a ciudadanía alemana, con 3.630 muertes prematuras provocadas por as centrals europeas (incluindo as d'o propio país); seguida de Reino Uniu (2.100), Polonia (1.860), Italia (1.610), Francia (1.380), Rumanía (1.280) y o Estau espanyol (1.170).
Por unatra parte, os contaminantes producius tamién causoron atras malotías como uns 11.800 nuevos casos de bronquitis cronicas, aproximadament 21.000 ingresos hospitalarios u 6,6 millons d'euros en costes por chornadas laborals perdidas en toda Europa.
Os impactos d'o carbón en a salut, de conchunta con a reducción d'a productividat causada por a abstención en o treballo, cheneroron un impacto economico entre 32.400 y 62.300 millons d'euros en 2013. Istes costes no son cubiertos por o sector d'o carbón sino que los asume a sociedat, incluindo os costes directos y indirectos en a salut que recayen sobre os presuposaus nacionals en sanidat. Costes suportaus a traviés de tractamientos individuals t'os y t'as afectaus/das y perdas economicas asociadas a la reducción en a productividat.
Seguntes Raquel García, tecnica d'o programa de clima y enerchía de WWF Espanya: "O zarre d'as centrals termicas de carbón ye imprescindible ta complir con l'alcuerdo de París, en el qual s'alcordó entre totz os países asistents limitar l'aumento d'a temperatura global por baixo d'os 1,5ºC y o 18% d'as emisions d'efecto invernadero d'Europa proceden d'as 280 centrals de carbón". Y adhibe: "En Espanya, pedimos a fin d'as subvencions a o carbón en 2018 y o zarre d'as centrals de carbón en 2025, con una transición chusta t'o sector minero. L'obchectivo final ye un modelo 100% renovable ta Espanya en 2050".
L'informe contrapone que ya bi ha siet países d'a Unión Europea que no creman carbón: Belchica, Chipre, Estonia, Letonia, Lituania, Luxemburgo y Malta. Portugal tamién s'ha comprometiu a deixar o carbón ta 2020, y Reino Uniu reducirá gradualment o carbón ta 2025. En Austria, as interpresas que tienen as suyas propias centrals de carbón anuncioron que podeban desmantelarlas todas ta 2025.
A OMS empara l'informe "A boira negra sobre Europa"
"A contaminación de l'aire ye responsable de millons de muertes en totz. O incremento d'as temperaturas, conseqüencia d'o cambeo climatico, solament empiorarán o problema. A buena noticia ye que reducir o nuestro uso de combustibles fosiles - incluindo as nocivas emisions d'o carbón- ofreix una oportunidat sola ta amillorar a calidat de l'aire y mitigar o cambeo climatico, y por tanto protecher a salut ye o gran reto de salut publica d'iste sieglo", sostiene o doctor Roberto Bertollini, scientifico chefe y representant d'a Organización Mundial d'a Salut en a Unión Europea.
