#24M  Política

Una enqüesta empaza a Partiu Popular y Zaragoza en Común en as eleccions municipals

A enqüesta, realizada por a propia coalición, daría entre 8 y 9 concellers a PP y Zaragoza en Común, encara que o PP ganaría en votos. Ciudadanos i entraría y CHA en quedaría fuera.
| 16 abril, 2015 12.04
Las y los candidatos durante la rueda de prensa de presentación. Foto: @arainfonoticias

Las y los candidatos durante la rueda de prensa de presentación. Foto: @arainfonoticias

Una enqüesta feita por a coalición Zaragoza en Común deixa empazaus a Partiu Popular y dita coalición en as futuras eleccions municipals. O Partiu Popular ganaría con o 24,5% d’os votos y obtendría 8-9 concellers con o que perdería quasi a mitat d’os suyos actual concellers. Zaragoza en Común en tendría un 23,5% y tamién 8-9 concellers.

O PSOE baixaría d’os actuals 10 concellers ta 7-8 concellers estimaus obtenendo un 20% de votos. Ciudadanos entraría en o concello zaragozano con un 17,5% de votos y entre 6 y 7 concellers.

CHA se quedaría fuera d’o concello, perdendo os 3 concellers actuals y obtenendo un 4% de sufrachios (a muga pa entrar-ie ye en 5%), asinas como PAR (3%) y UPyD (1,5%), encara que istos datos no son de tot fiables debiu a la grandaria d’a muestra, de 380 personas, seguntes s’informa en o resultau d’a enqüesta. A participación s’ha estimau en un 65,5%.

En intención directa de voto, Zaragoza en Común obtiene o millor resultau, con un 15,1%. O PP n’obtiene un 13,3%, o PSOE un 13,1% y Ciudadanos un 10,3%. CHA, PAR y UPyD, serían por baixo de l’1%. A propia enqüesta no considera fiables os datos d’istos partius debiu a la grandaria d’a muestra (380 personas).

A enqüesta se realizó mediant entrevistas telefonicas a 380 personas con una marguin d’error d’un 5%.

Articlo orichinal en Arredol

16 abril, 2015

Autor/Autora

"Arredol quiere fer una apuesta por potenciar a comunicacion en aragones. Queremos fer un medio de referencia, pero en aragones, que planteye atro paradigma socio-politico y cultural". (arredol.com / @arredol)


Vimeo
Ocurrió un error. Comprueba que el id 1756922 corresponde a un 0 y que existe.
Twitter
Facebook

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de nuestra política de cookies, pinche el enlace para mayor información.

CERRAR