Por uiteno anyo o Consello d’a Fabla en colaboración con o concello de Uesca, organiza Luenga de fumo un festival que preba d’espardir a cultura en aragonés a traviés de quantas actividatz, todas ellas de gufanya.
O programa prencipia o sabado diya 14 d’abril con a presentación de “Prou, prou, luen”, editau por Ara Cultural y d’os autors Carlos García, Tamara Marzo y Chusé Bolea. A presentación d’iste libro-disco de falordias meyoambientals será en a Biblioteca Municipal Antonio Durán Gudiol a las 12.00 horadas.
O chueves 19 o primer concierto d’istas chornadas se ferá gracias a Zarrakatralla Folk, en o Centro Cultural Matadero a las 22.30 horas. A semana siguient, o martes 24, unatra trobada literaria con Oscar Latas, zaguer premio Arnal Cavero. Tamién en o Matadero de Uesca a las 19.30. O cine plega d’a man de “Cosetas d’adentro”, a pelicula de Lola Gracia que se prochectará o miercols 25, a las 19.30 y tamién en o Matadero.
Luenga de fumo rematará o diya 28 con una sesión de falordietas en aragonés, a cargo de Pol, a las 12 horadas, en a Biblioteca Muncipal Ramón J. Sender.
Fuent: Arredol
