Ubierto lo plazo ta presentar obras a o Certamen literario “Junto al fogaril”

ARREDOL | Dende o pasau 15 de chinero ye ubierto lo plazo ta presentar obras a la VII Edición d’o Certamen de Cuentos y Relatos Breus “Junto al Fogaril”, que convoca l’asociación d’o mesmo nombre y o Concello de L’Aínsa. L’asociación d’o Sobrarbe “apuesta por as letras, a escritura y a creyación en istos tiempos tan embolicaus t’a cultura” y remera que, en istas siet, anyadas levan más de 1.500 obras presentadas. As obras, que habrán de tener entre 3 y 12 pachinas, se podrán presentar dica o 14 de marzo. Encara que a tematica ye libre, bi ha tamién …

lo fogarilARREDOL | Dende o pasau 15 de chinero ye ubierto lo plazo ta presentar obras a la VII Edición d’o Certamen de Cuentos y Relatos Breus “Junto al Fogaril”, que convoca l’asociación d’o mesmo nombre y o Concello de L’Aínsa. L’asociación d’o Sobrarbe “apuesta por as letras, a escritura y a creyación en istos tiempos tan embolicaus t’a cultura” y remera que, en istas siet, anyadas levan más de 1.500 obras presentadas.

As obras, que habrán de tener entre 3 y 12 pachinas, se podrán presentar dica o 14 de marzo. Encara que a tematica ye libre, bi ha tamién un accesit t’as obras que charren sobre o Sobrarbe. D’entre todas as obras, se’n trigarán vinte que serán leyidas por un churau, qui otorgará os premios. Bi’n habrá un primer de 800 euros, un segundo de 250 y l’accesit de 250 euros t’as obras de tematica sobrarbenca, baltizau como Jose Antonio Labordeta, autor que participó en as dos primers edicios d’o premio.

As bases d’o certamen se pueden consultar en a web d’o concello de L’Aínsa.

Autor/Autora

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de nuestra política de cookies, pincha el enlace para más información.

ACEPTAR
Aviso de cookies