ARREDOL | O cabo de semana d’o 8 y 9 de febrero se celebrará en a torre-escuela El Tío Carrascón, en Cerveruela, diferents actividatz ta que ninos y adultos se diviertan en plena naturaleza charrando aragonés.
As actividatz previstas son una visita por a torre de bestiar y por l’antigo palomar, convertiu agora en banco de simients, contacuentos, un taller an que s’aprenderá a fer pasta fresca, una gambada con chuego de pistas pa de vez conoixer o lugar y un taller creativo.
El Tío Carrascón conta con un albergue que tien bar-restaurant, cambras de 2-8-10 y 12 plazas, escusaus, botiga y dos salas ta fer-ie tallers. Bi ha conexión WI-FI, chuguetes, televisión…
Qui quiera puede participar en as actividatz d’un diya (sabado u domingo) que cuestan 15 euros t’os ninos y 18 euros t’os adultos y incluye a chenta. Si se quiere pasar-ie o cabo de semana completo o pre incluye amás d’as actividatz y d’as chentas, aloix, cena y desayuno y ye de 48 euros os ninos y 55 euros os adultos.
As plazas son amugadas, por o que cal reservar-ne antes con antes.
Pa más información:
www.eltiocarrascon.com
www.facebook.com/eltiocarrascon.com
info@eltiocarrascon.com
Telf. 633023030
Fuent: www.eltiocarrascon.com
