#culturalibre  #LuengasAragón  Culturas

Telegram, l’alternativa a o Whatsapp, ya ye en aragonés

ARREDOL | L’equipo de treballo de Softaragonés nos ofreix hue una nueva fita pa l’aragonés: plegar en l’ambito d’os dispositivos mobils, y amás, en una d’as aplicacions que os usuarios en fan un un emplego mas freqüent y cutiano: a mensachería instantania. Dende hue podemos fer servir a versión en aragonés de l’aplicación Telegram, compilada...
| 21 febrero, 2014 13.02
Softaragonés presienta ista ferramienta o diya d'a luenga materna.

Softaragonés presienta ista ferramienta o diya d’a luenga materna.

ARREDOL | L’equipo de treballo de Softaragonés nos ofreix hue una nueva fita pa l’aragonés: plegar en l’ambito d’os dispositivos mobils, y amás, en una d’as aplicacions que os usuarios en fan un un emplego mas freqüent y cutiano: a mensachería instantania.

Dende hue podemos fer servir a versión en aragonés de l’aplicación Telegram, compilada por o propio equipo de Softaragonés, y que se puede instalar dreitament dende a suya pachina web. Ista aplicación ye disponible en toda mena de telefonos y tabletas con o sistema operativo Android. Os usuarios de iOS habrán d’aguardar por agora.

Se da a circumstancia que Telegram ha dau prou notorio en os medios de comunicación entre istas zagueras semanas como alternativa mas segura y rapida a o Whatsapp, y que chusto ahiere, se dio a conoixer a voluntat de Facebook de crompar Whatsapp que, a lo menos dica agora, ye l’aplicación mas emplegada en mensachería instantania entre dispositivos mobils.

Ista presentación tamién coincide con o Día Internacional d’a Luenga Materna, que se celebra totz o 21 de febrero pa promover a conoixencia y d’a diversidat cultural y o plurilingüismo. En Aragón s’ha programau buena cosa d’actos y campanyas pa celebrar-lo y fer visible a situación d’as nuestras luengas.

21 febrero, 2014

Autor/Autora

"Arredol quiere fer una apuesta por potenciar a comunicacion en aragones. Queremos fer un medio de referencia, pero en aragones, que planteye atro paradigma socio-politico y cultural". (arredol.com / @arredol)


Twitter
Facebook

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de nuestra política de cookies, pinche el enlace para mayor información.

CERRAR