S’estalapiza en os Alpes un avión que feba o trachecto Barcelona-Düsseldorf

I heba 144 pasachers y seis tripulants. No i hai supervivients. A companyia informa de 67 alemans entre as victimas.

Airbus 320 de Germanwings. Foto: aeroprints.com (CC-BY-SA 3.0)
Airbus 320 de Germanwings. Foto: aeroprints.com (CC-BY-SA 3.0)
Airbus 320 de Germanwings. Foto: aeroprints.com (CC-BY-SA 3.0)

O vuelo 4Un9525 d’a companyía alemanya German Wings, que feba o trachecto Barcelona-Düsseldorf, s’ha estalapizau iste maitín en os Alpes por causas que encara no s’han aclariu. L’avión, un Airbus 320, heba de salir de l’aeropuerto d’o Prat a las 9.35, pero no s’ha elevau dica as 10. Ent’as 11.00 ha desapareixiu d’o radar, y seguntes as zagueras informacions, no ha plegau a ninviar garra mensache d’emerchencia. O puesto an que s’ha estalapizau ye en una zona montanyosa cerca de Barceloneta de Provença, en Occitania. L’avión teneba una capacidat ta 174 pasachers y bi viachaban 144 pasachers y 6 tripulants. A mida que abanzan as horas se van sabendo chicotz detalls sobre os pasachers.

Seguntes a vicepresidenta espanyola, Soraya Sáenz de Santamaría, entre os pasachers n’i heba quaranta y cinco ‘con apellius espanyols’; ye o solo dato que n’ha dau, sin especificar de qué ciudadanía yeran. O 9 Nou informa que i heba una quincena d’alumnas y profesors alemans que heban feito un intercambio con l’instituto Giola de Llinars del Vallès. Tamién viachaban dos treballadors d’a planta de Delphi en Sant Cugat del Vallès, tal como informa Cugat.cat, que cita fuents d’a interpresa: o director de recursos humanos y un treballador d’a sección de montache y delegau sindical d’a UGT, que iban a una reunión d’o comité internacional d’a companyía. Seguntes ACN, entre as victimas i hai tamién dos treballadors d’a Feria de Barcelona, a on iste maitín s’ha cancelau a inauguración d’a feria d’industrias graficas Graphispag.

Os pasachers heban feito o embarque en a puerta 34 d’a terminal 2 de l’aeropuerto d’o Prat, y ye en ista terminal a on s’atienen agora os familiars.

Actividat d’os gubiernos

A vicepresidenta espanyola, Sáenz de Santamaría, ha anunciau que o suyo gubierno heba creyau un gabinete de crisi. Tamién l’ha feito o gubierno francés. O president Françoise Hollande ha descartau que pueda trobar-se-ie garra supervivient; y o ministro d’Interior, Bernard Cazeneuve, ha anunciau que ya s’heban trobau repuis de l’avión.

A vicepresidenta d’o gubierno catalán, Joana Ortega, se desplaza ent’a zona de l’accident. O gubierno, amás, ha meso a la disposición d’os familiars o telefono 012, y o 902400012 por si se truca difuera de Catalunya. O consellero d’Interior, Ramon Espadaler, y o de Territorio, Santi Vila, son en l’aeropuerto d’o Prat.

O president Artur Mas ha suspendiu l’achenda oficial y ha anunciau que o gubierno catalán organizaría tot o transporte colectivo necesario t’as familias que queresen ir ta Occitania. O president espanyol, Mariano Rajoy, tamién la ha suspendida. Ha compareixiu dende Vitoria y ha anunciau que tornaba enta Madrit.

Encara no se’n saben as causas

German Wings ye una companyía filial de Lufthansa. L’avión que s’ha estalapizau yera operativo dende 1991 y heba pasau todas as revisions necesarias. Veyetz-ne aquí a ficha.

Carsten Spohr, president de Lufthansa, ha dito que encara no sabeban os motivos de l’accident. ‘Si nos confirman as nuestras temors, iste ye un día negro ta Lufthansa. Asperamos trobar supervivients’, ha dito.

IU y Podemos expresan su “duelo y solidaridad” con los familiares y allegados de las víctimas del accidente aéreo

El Coordinador General de IU Aragón, Adolfo Barrena, y la portavoz del grupo parlamentario en las Cortes, Patricia Luquin, expresan en nombre de toda la organización política y social su “duelo y solidaridad” con las familias y amistades de las 150 personas fallecidas al estrellarse en los Alpes el avión procedente de Barcelon, de ellas más de 40 de nacionalidad española, y también aragonesas, según apuntan los primeros datos aún no oficiales.

Barrena y Luquin manifiestan su “profunda solidaridad con las familias de todas las víctimas, las que son aragonesas, así como las que son de nuestro país y las de otros países, que han encontrado en los Alpes el dramático final de su vida” en lo que califican como un “trágico y dramático” accidente.

Por su parte, la lista ‘Juntas y Juntos por Aragón’ encabezada por Pablo Echenique ha cancelado su acto de cierre de campaña “en solidaridad por las víctimas del accidente de avión". También CHA mostró sus condelencias, en voz del cabeza de lista a Cortes de Aragón, y actual diputado, Joaquín Palacín.

Articlo orichinal en Arredol

Autor/Autora

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de nuestra política de cookies, pincha el enlace para más información.

ACEPTAR
Aviso de cookies