L'orichen d'ista emisión, unica en tot Aragón, naixió en 2011 como conmemoración d'a sinya d'a Carta Europeya d'as Luengas Minoritarias. Podrá escuitar-se en o 101.8 d'a FM zaragozana, online a traviés d'a pachina web de Radio Topo u seguir-se en os retz socials con o hashtag #estrela6.
En ista seisena edición participarán qualques programas semanals d'a Radio Libre zaragoza (Cuerdas de Acero, Skándalo en las Ondas, Dos Caras y una Cruz, Tierra de Barrenaus, El Acratador/L'Acrataire, Con la casa en la mochila, Lucha Libre/Luita Libre y Electrokrazia) y tornarán a emitir dos viellos programas: El Kantamañanas y En a línea d'o frent.
L'Asociación Cultural Nogará, por o suyo 25 aniverasrio, tamién tendrá un espacio en iste "D'estrela a estrela" chunto con atros programas especials como Mallata, A Botiga u o Curso 0 d'aragonés de l'Asambleya de Chovens d'o Viello Aragón. Zarrando a parrilla d'emisión, destacar a participación d'as companyeras de Radio La Granja.
Parrilla
SABADO 5
- 9h El Kantamañanas
- 11h Cuerdas de Acero
- 12h Skándalo en las Ondas
- 13h Dos caras y una cruz
- 14h Tierra de Barrenaus
- 16h L'Acrataire
- 16.30h Con la Casa en la Mochila
- 17h Radio La Granja
- 18h A Botiga
- 19h Luita libre
- 20h En a línia d'o frent
- 21h Electrokrazia
DOMINGO 6
- 09h Curso 0 d'aragonés
- 11h Mallata
- 12h #nogara25anyos
Fiesta solidaria
Como complemento ludico a la emisión radiofonica, o sabado 5 a partir d'as 21.00 horas tendremos una fiesta en La Vía Láctea (Carrera Dr. Palomar 25) con a mosica d'os DJs McBarrenau, Yosibear y Guindijey. Acompanyando a la mosica, bi habrá tapas solidarias con os '10 de Zaragoza'.
