Se publica atro trailer de Star Wars, con quantas novedatz

Harrison Ford torna a apareixer-ie en o suyo papel de Han Solo, acompanyau por Chewbacca.

O nuevo casco d’os “Stormtroopers”.
O nuevo casco d’os “Stormtroopers”.
O nuevo casco d’os “Stormtroopers”.

A decena trobada de Star Wars en Anaheim (California, EEUU) estió o scenario esleixiu ta fer publico un nuevo trailer de “Star Wars: The Force Awakens”, a sietena cinta d’a saga prencipiada en 1977 con “Star Wars: a new hope” y que ye ambientada bella anyadas dimpués d’o que reconta “Star Wars: Return of the Jedi”.

O trailer, que presentoron a presidenta de Lucasfilm, Kathleen Kennedy,  y o director J.J. Abrams, amuestra nuevas imachens de iconos tant importants como as naus X-Wing y o Millenium Falcon. Tamién se i puede viyer o crapacín de Darth Vader y conoixer un d’os nuevos androides d’a saga BB8, u os nuevos uniformes d’os soldaus “imperials”.

Pero talment una d’as imachens más asperadas por os fans d’a saga plega a la fin d’o trailer quan se puede viyer de nuevas a Harrison Ford, fendo atra vegada o papel Han Solo, acompanyau por Chewbacca. A expectación creyada ye bien important. Mas encara si se piensa que caldrá asperar dica o 18 d’aviento ta viyer a cinta en cines.

Articlo orichinal en Arredol

Autor/Autora

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de nuestra política de cookies, pincha el enlace para más información.

ACEPTAR
Aviso de cookies