Remata a vichencia de 15 convenios colectivos en Aragón

ARREDOL | Arredol de 19.000 treballadors y treballadoras viyen con incertidumbre a fin d'a vichencia d'os convenios colectivos que richen as suyas condicions laborals. Tot rematando o plazo fixau por a reforma laboral aprebada por l’actual Gubierno espanyol pa aprebar-se nuevos convenios colectivos, ahiere 8 de chulio, 15 convenios colectivos s’acotoló en no haber-se plegau a garra alcuerdo. Ista situación afecta a uns 19.000 treballadors y treballadoras aragonesas en 3.748 interpresas. Entremistanto, atros convenios s’han puesto prorrogar un anyo mas gracias a las negociacions entre patronal y sindicatos. As plantillas d’as interpresas en as que finalizó a vichencia d’o convenio …

Treballador de Opel. Foto: anticapitalistes.net
Treballador de Opel. Foto: anticapitalistes.net

ARREDOL | Arredol de 19.000 treballadors y treballadoras viyen con incertidumbre a fin d'a vichencia d'os convenios colectivos que richen as suyas condicions laborals.

Tot rematando o plazo fixau por a reforma laboral aprebada por l’actual Gubierno espanyol pa aprebar-se nuevos convenios colectivos, ahiere 8 de chulio, 15 convenios colectivos s’acotoló en no haber-se plegau a garra alcuerdo. Ista situación afecta a uns 19.000 treballadors y treballadoras aragonesas en 3.748 interpresas. Entremistanto, atros convenios s’han puesto prorrogar un anyo mas gracias a las negociacions entre patronal y sindicatos.

As plantillas d’as interpresas en as que finalizó a vichencia d’o convenio colectivo pueden sufrir una perda de dreitos laborals en pasar a aplicar-se atros convenios colectivos d’ambito superior (provincial, autonomico, estatal) u mesmo l’Estatuto d’os Treballadors an que se fixan os dreitos minimos que pueden disfrutar os treballadors y treballadoras.

No queda clara encara a situación en que quedan as plantillas d’as interpresas que s’han quedau sin convenio, encara que os sindicatos han afirmau que irían a os tribunals si as interpresas prebaban de reducir os dreitos laborals d’os suyos treballadors. Manimenos, os sindicatos consideran que as condicions laborals son en os diferents contractos de cada treballador, por o que no ye tant facil cambiar as condicions laborals.

Tanimientres encara se continan negociando os convenios colectivos, y a CEOE asegura que se dará un mayor plazo pa poder plegar en alcuerdos, u en caso contrario, sinyar-se os convenios sin renovar.

Autor/Autora

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de nuestra política de cookies, pincha el enlace para más información.

ACEPTAR
Aviso de cookies