Rajoy responde a os sondeus con un ‘pucherazo’ electoral

DIAGONAL / ARREDOL | O Partiu Popular engueró 2012 con a mayor acumulación de poder institucional que haiga teniu qualsiquier formación politica en a etapa d’a monarquía parlamentaria. Amás d’a suya recientment enguerada mayoría absoluta en as chenerals, os de Rajoy gubernaban -y gubiernan- dos de cada tres capitals de provincia y tant solament yeran ausents d’os executivos autonomicos d’Asturias, Canarias y Catalunya, mientres manteneban con respiración artificial a o solo lehendakari no nacionalista vasco d’iste periodo, Patxi López (PSE). Quasi tres anyos dimpués, o PP y o PSOE chuntos tasament sobreixen o 50% d’a intención de voto, seguntes a …

Mariano Rajoy chunto a bells miembros d’o PP valenciano. Foto: Wikipedia
Mariano Rajoy chunto a bells miembros d’o PP valenciano. Foto: Wikipedia
Mariano Rajoy chunto a bells miembros d’o PP valenciano. Foto: Wikipedia

DIAGONAL / ARREDOL | O Partiu Popular engueró 2012 con a mayor acumulación de poder institucional que haiga teniu qualsiquier formación politica en a etapa d’a monarquía parlamentaria. Amás d’a suya recientment enguerada mayoría absoluta en as chenerals, os de Rajoy gubernaban -y gubiernan- dos de cada tres capitals de provincia y tant solament yeran ausents d’os executivos autonomicos d’Asturias, Canarias y Catalunya, mientres manteneban con respiración artificial a o solo lehendakari no nacionalista vasco d’iste periodo, Patxi López (PSE).

Quasi tres anyos dimpués, o PP y o PSOE chuntos tasament sobreixen o 50% d’a intención de voto, seguntes a enqüesta de Sigma II publicada en agosto por o diario El Mundo. Ya pasadas as europeas, Rajoy ubrió o debat sobre a reforma d’o sistema electoral en as municipals ta privar o triunfo de gubiernos de coalición, o qual ha provocau as criticas d’os partius y candidaturas minoritarias con mas expectativa de creiximiento de votos. Tam­ién ha provocau mas anuncios de reformas electorals, en pareixiu sentiu a la ya aprebada por Cos­pedal en Castiella-La Mancha, en as tamién “populars” Madrit, Murcia y Extremadura.

O president d’o Gubierno feba a devantadera o curso en setiembre fixando un plazo de dos meses ta introducir a reforma en o Congreso d’os deputaus. A suya mayoría absoluta le sería prou ta aprebar en solitario o cambeo en a Lei Organica d’o Rechimen Electoral ta imposar bell tipo de sistema mayoritario que dé a mayoría absoluta a o cabeza d’a lista municipal mas votada. Os populars en o Congreso mesmo pueden fer servir o procedimiento d’a proposición de lei ta privar o dictamen d’organos consultivos como o Consello d’Estau, o que ine­vitablement retardaría l’aprobación d’a norma dica dimpués d’as venients municipals. Seguntes han contau fuents parlamentarias a Diagonal.

Ta Cristina Velázquez, profesora de Sciencia Politica en a Universidat Com­plutense de Madrit, l’ambigüedad con a que Rajoy ha charrau de “esleción directa de l’alcalde” ye calculada. O programa electoral d’o PP, de feito, se limita a proposar una “reforma d’o sistema electoral municipal ta respectar a voluntat mayoritaria d’os vecins”. “Creigo que ye un intento d’empecipiar por abaixo ta levar-nos a un sistema mayoritario, que en resumidas cuentas ye un sistema bipartidista. Ye l’obchectivo d’o PP y tamién d’o PSOE“, sinyala Velázquez. Encara ­que l’aparent punto de fricción ye a calendata d’implementación d’a mida -o sucesor de Rubal­caba, Pe­dro Sánchez, la ha esfendiu ta 2019-, Velázquez creye que o PSOE ferá servir l’argumento d’o mal menor ta pactar antes una reforma con o PP. “Ir a una especie de sistema mayoritario puro ye un absurdo en o nuestro sistema politico”, opina. Ye por ixo que, en linia con una interpretación en a que coinciden mas analistas politicos, o posible consenso PP-PSOE se fixe en un sistema d’esleción mayoritario con segunda tornada.

A chustificación d’a mida pretende replegar o descontento ciudadano ent’as institucions, d’astí o suyo encuadre baixo a etiqueta “esleción directa d’os alcaldes” y dentro d’una serie de reformas que o PP denomina de “recheneración democratica”. Por ixo Tania Sánchez Melero, deputada de IU en l’Asam­bleya de Madrit, prefiere centrar a critica no tanto en l’efecto que pueda tener sobre candidaturas minoritarias sino sobre “a chent”. En opinión d’a deputada, con istas midas -se refiere tamién a la propuesta d’o PP madrilenyo d’instaurar una esleción directa por circunscripciones de parte d’as cadieras d’a camera autonomica- “o PP se priva de charrar de demandas reals sobre democratización y control publico d’a chestión, como as que sí se son desembolicando en espacios como Ganemos Madrit“. Sánchez Melero veye mas necesario un debat sobre cómo s’esleyen as listas d’as candidaturas u os mecanismos de revocabilidad d’os cargos y control ciudadano d’a representación. “A la fin, ye mas important charrar de cómo se guarencia que a sanidat publica no se privatiza”, afirma.

Autor/Autora

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de nuestra política de cookies, pincha el enlace para más información.

ACEPTAR
Aviso de cookies