“Prou prou luen” se presentó en a Biblioteca d’Andorra

ARREDOL | A Biblioteca Municipal d’Andorra acullió iste lunes a presentación d’o libro de cuentos en aragonés Prou prou luen, con a presencia d’os suyos autors Carlos García Esteban y Tamara Marzo Rins, ista zaguera naixida d’o lugar. A sala d’a Biblioteca infantil se plenó de mais y pais con una buena representación d’a catrinalla d’o lugar. Os autors presentoron o libro charrando sobre as valors naturals, culturals y lingüisticas que quereban prebar de transmitir. Dimpués d’ixa introducción, se fació un cuentacuentos, recontando una d’as quatre historias que tien a obra, y que charra d’un alica que ha de trobar …

O libro replega quatre cuentos en aragonés d'educación ambiental que antimás se pueden ascuitar en o CD que i adchunta.
O libro replega quatre cuentos en aragonés d'educación ambiental que antimás se pueden ascuitar en o CD que i adchunta.
O libro replega quatre cuentos en aragonés d'educación ambiental que antimás se pueden ascuitar en o CD que i adchunta.

ARREDOL | A Biblioteca Municipal d’Andorra acullió iste lunes a presentación d’o libro de cuentos en aragonés Prou prou luen, con a presencia d’os suyos autors Carlos García Esteban y Tamara Marzo Rins, ista zaguera naixida d’o lugar. A sala d’a Biblioteca infantil se plenó de mais y pais con una buena representación d’a catrinalla d’o lugar.

Os autors presentoron o libro charrando sobre as valors naturals, culturals y lingüisticas que quereban prebar de transmitir. Dimpués d’ixa introducción, se fació un cuentacuentos, recontando una d’as quatre historias que tien a obra, y que charra d’un alica que ha de trobar un puesto a on que pasar a nueit.

Dimpués d’o cuenta cuentos, bi habió un chiquet debat entre totz os presents. Cuanto a la luenga aragonesa, se remeró l’intrés que bi ha en ista localidat d’o Baixo Aragón por a luenga, con cursos d’aragonés de cutio mientres muitas anyadas, y con a emisión en a televisión local d’o primer programa de TV en luenga aragonesa. Tamién se charró d’a importancia d’a educación ambiental, d’o papel que tienen os profesionals d’ixa aria y d’as dificultatz profesionals que han de concarar.

Autor/Autora

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de nuestra política de cookies, pincha el enlace para más información.

ACEPTAR
Aviso de cookies