Prencipia a campanya ta prevenir y luitar contra os incendios

ARREDOL | Iste chueves se publicaba en o BOA (Boletín Oficial d’Aragón) a orden ta prencipiar a fer funcionar a campanya ta prevenir y luitar contra os incendios. Ista mida afecta a totz os terrenos definius como mont igual como qualsiquier terreno de qualsiquier mena en una francha de 400 metros arredols d’istos. A epoca fixada como “periglosa” prencipia o venient 15 de marzo y se prolarga dica o 15 d’octobre. Mientres ixos diyas no se concederán autorizacions ta fer cremas agricolas y forestals u de repuis vechetals, fueras d’as que tiengan como obchetivo privar mals causaus por plagas u …

OLYMPUS DIGITAL CAMERAARREDOL | Iste chueves se publicaba en o BOA (Boletín Oficial d’Aragón) a orden ta prencipiar a fer funcionar a campanya ta prevenir y luitar contra os incendios. Ista mida afecta a totz os terrenos definius como mont igual como qualsiquier terreno de qualsiquier mena en una francha de 400 metros arredols d’istos.

A epoca fixada como “periglosa” prencipia o venient 15 de marzo y se prolarga dica o 15 d’octobre. Mientres ixos diyas no se concederán autorizacions ta fer cremas agricolas y forestals u de repuis vechetals, fueras d’as que tiengan como obchetivo privar mals causaus por plagas u atros risques de mayor gravedat. En a resta de l’anyada, ta fer-las caldrá una autorización u notificación previa. Dica o 31 de mayo, de traza excepcional , “se podrán cremar repuis de l’escamalau d’as oliveras, nomás con fins fitosanitarias y siempre que siga guaranciada a discontinuidat espacial con atros repuis vechetals presents en o terreno.”

T’atros emplegos, como o d’as instalacions recreativas, os verteders de repuis u l’apicultura, tamién calen autorizacions especials que se pueden conseguir en a web d’o gubierno. Toda a normativa y a chestión se puet trobar en ista web.

O Gubierno d’Aragón creo que ta concarar a “important puyada en as zaguers anyadas” d’a superficie cremada por incendios, una d’as ferramientas claus ye “a ordenación y chestión forestal”. Tamién crei que ye alazetal a sensibilización d’a población rural y que s’embreque ta resolver ista qüestión.

--

Noticia relacionada: 10 consejos para evitar los incendios forestales

Autor/Autora

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de nuestra política de cookies, pincha el enlace para más información.

ACEPTAR
Aviso de cookies