Os treballadors de Casting Ros en Utriellas fan una acampada contra a externalización d’o mantenimiento

ARREDOL | En a interpresa treballan más de 300 personas y ye una d'as principals d'a redolada. Más de quaranta treballadors d’a interpresa de fundición ta autos Casting Ros, con siede en Utriellas (Cuencas Meneras), han prencipiau una acampada ta refusar a externalización d’os servicios de mantenimiento d’a planta. Ista mida se refusó en as asambleyas que se celebroron iste pasau domingo y afectaría a quaranta y dos treballadors que pasarían a pender d’una interpresa de Vizcaya. Os treballadors temen que ista externalización no siga que a primer de atras que podrían plegar. “A la fin en Casting Ros no …

Casting Ros de UtrillasARREDOL | En a interpresa treballan más de 300 personas y ye una d'as principals d'a redolada. Más de quaranta treballadors d’a interpresa de fundición ta autos Casting Ros, con siede en Utriellas (Cuencas Meneras), han prencipiau una acampada ta refusar a externalización d’os servicios de mantenimiento d’a planta. Ista mida se refusó en as asambleyas que se celebroron iste pasau domingo y afectaría a quaranta y dos treballadors que pasarían a pender d’una interpresa de Vizcaya.

Os treballadors temen que ista externalización no siga que a primer de atras que podrían plegar. “A la fin en Casting Ros no i será que o cherent y toda la resta seremos de chicotas interpresas que treballan ta ella“, declaraba Mariano Secanella, president d’o Comité d’interpresa.

A interpresa, que ye una d’as más grans en a suya redolada, cuenta agora mesmo con más de 300 treballadors, encara que dende o prencipio d’a crisi en ha perdiu a 160. L’acampada ye una mida de presión ta que a dirección se replanteye a decisión de externalizar o mantenimiento que anunció o pasau 2 d’abril. Por agora continará con os treballadors de mantenimiento y muitos atros que se i han adhibiu. Si o conflicto se prolargase, representants d’a plantilla han anunciau una vada entre o 18 y o 30 d’abril de 2013.

Autor/Autora

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de nuestra política de cookies, pincha el enlace para más información.

ACEPTAR
Aviso de cookies