INFOASTURIES / ARREDOL | “Os Bolechas son seis chirmans: Xabel, Xuacu, Lena, Cloya, Olaya, Tatá, y a suya inseparable mascota, Trasgu. Totz ells, chunto con a mai, o pai, os lolos, amigos y vecins, van a tornar-se en os millors amigos d’os ninos y ninas d’Asturias que van a disfrutar d’as suyas aventuras y simpaticas trastadas”. Con ixa premisa se presentó en o maitin d’o cabo de semana d’a Televisión Publica Asturiana (TPA) a primer serie infantil doblada a la luenga asturiana en l’ente televisivo publico, en horario de 9 d’o maitin totz os sabados y domingos.
Coincidindo con iste enguero, Os Bolechas ya cuentan con pachina web en asturiano, an que amás d’ufrir información arredol d’a serie y os suyos personaches, proporcionan sorpresas como un club de socios con o que se recibe un carné de baldes en inscribir-se-ie. Ista serie, orichinalment emitida en a Televisión Galega, ye a-saber-lo conoixida en Galiza, an que va por a quartena temporada y os suyos creyadors aseguran que ha feito buena honra ta normalizar l’emplego d’a luenga.
