Culturas

O proximo quatro de setiembre se celebrará o festival de folk aragonés dá Canal Roya

Con a intención que s'enruenen os plans que pretenden alterar iste enclave pirenaico s'organiza iste festival que se celebrará en o Campamento d'a Bordoseta de Canal Roya
| 1 septiembre, 2016 09.09
O proximo quatro de setiembre se celebrará o festival de folk aragonés dá Canal Roya
Sebastian Alvaro Lomba será el presentador del Canal Roya Folk.

Iste festival pretende clamar o ficacio sobre a necesidat d’esfender a cultura, o paisache y a economía sostenible de l’Alto Aragón y en concreto d’a val de Canal Roya que en istes zaguers anyos ha estau seriosament menazau por o prochecto d’unión d’estacions d’esquí. Os mosicos que actuarán en ista edición son Os bufacalibos de biella nuei, Tirurirus free, Kike ubieto y Capitán Mundo.

Con a intención que s’enruenen os plans que pretenden alterar iste enclave pirenaico s’organiza iste festival que se celebrará en o Campamento d’a Bordoseta de Canal Roya. Iste ye situau a pocos menutos a piet d’o parking de Canal Roya, poco dinantes de Rioseta (Km 670 d’a carretera N-330a) y a 3 kilometros de Canfranc Estación, endrezau ta Francia.

Dende a organización fan acordanza de que “cada cierto tiempo y dende fa qualques anyos o nombre de Canal Roya saliba en os meyos de comunicación y no precisament ta alabar a suya gran importancia ecolochica y o suyo magnifico estau de conservación, bella cosa que tenemos y hemos de preservar, sino por motivos d’intréses especulatius que brenca han de veyer con o desembolique local y a economía d’os suyos habitants encara que asinas nos l’haigan quiesto vender”.

Y tamién han sinyalau que “o refuso a istes plans que significarían a destrucción de tant valuroso tesoro natural, preservau entre cheneracions por os habitants d’ixes puestos, ha estau una constant por parte d’a sociedat civil que se plasmó fa ya muitos anyos en o manifiesto d’o Anayet que a día de hue contina en plena vichencia y que os organizadors d’iste acto suscribimos en a suya totalidat”.

1 septiembre, 2016

Autor/Autora

Colaborador de Arredol y AraInfo. @Davizoaf


Twitter
Facebook

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de nuestra política de cookies, pinche el enlace para mayor información.

CERRAR