ARREDOL | O Gubierno d'Aragón replegó antes d'ahiere en Bruselas iste premio por l'accesibilidat turistica d'o parque natural. O Parque Natural d’a Sierra y as Foces de Guara recibioron a pasada nueit en Bruselas o premio Eden 2012 d’accesibilidat d’a Unión Europea. L’acto se realizó en o Parlamento Europeu, y acudioron representando a o Gubierno d’Aragón o director cheneral de Conservación de Medio Natural, Pablo Munilla y a directora cheneral d’Acción Exterior y Cooperación, Blanca Solans.
O premio Eden (Destins Europeus d’Excelencia) reconoixe a labor d’o Gubierno aragonés con l’accesibilidat turistica y o compromís d’o Parque con a sostenibilidat social, cultural y medioambiental.
Pablo Munilla, director cheneral de Conservación de Medio Natural, ha declarau que “en iste parque hemos realizau un plan integral d’accesibilidat con numerosas actuacions pa millorar diferents zonas pa personas con dificultat. S’ha millorau l’acceso a miradors, centros d’interpretación, observatorios, etc. Ye una honor recullir iste premio en nombre d’o Gubierno d’Aragón y tamién en nombre de qui han treballau pa aconseguir un espacio natural de referencia”.