O nuevo treballo de Gaire, iste viernes en Arrebato

ARREDOL | O nuevo EP d'a colla incluye seis temas de raso en aragonés. O disco ye editau por Magofermín y l’Asociación Cultural Nogara y se presentará iste viernes a las 20.30 en a sala Arrebato.

Gaire en a devantadera d’o curso 13/14 de Nogara.
Gaire en a devantadera d’o curso 13/14 de Nogara.
Gaire en a devantadera d’o curso 13/14 de Nogara.

ARREDOL | “Largo y luen” ye o titol d’o nuevo treballo de Gaire, un EP de seis temas cantaus de raso en aragonés. O disco s’anunció mientres istas zaguers semanas con un video gravau en blanco y negro en Zaragoza a on que apareixeban os components d’a banda.

O disco ye editau por Magofermín y l’Asociación Cultural Nogara y se presentará iste viernes a las 20.30 en a sala Arrebato, d’a carrera Palafox de Zaragoza. Con a entrada, de 5 euros de pre, se regala o disco. Gaire contina en iste EP con o suyo soniu pop, con a experiencia de mosicos que comparten colla con Dechusban, Prau, Visión Tunel u Rouille. Baltizan a suya mosica como “Pic-nic pop, que dengún no sabe qué ye pero a tot lo mundo le fa goyo”.

Autor/Autora

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de nuestra política de cookies, pincha el enlace para más información.

ACEPTAR
Aviso de cookies