O nuclio urbano de Masegoso se queda sin habitants

ARREDOL | Masegoso, situau en o municipio de Toril y Masegoso, en a comarca d’a Sierra d’Albarrazín, ha estau o zaguer nuclio urbano aragonés en quedar deshabitau dimpués d’a marcha d’o zaguer vecín. Nomás bell vecín puede plenar con una mica de vida iste lugar en verano u en calendatas festivas, como succede en atros lugars aragoneses. O zaguer vecín ye arbanyil, y por razons laborals, pus ye mas comodo pa desplazar-se t’o suyo puesto laboral, ha albandonau Masegoso pa tresladar-se ta Toril, l’atro lugar d’o municipio. Agora que, Toril tampoco no cuenta con una cantidat prou d’habitadors, nomás quatro …

A zaguer victima d'a despoblación en Aragón se diz Masegoso, un lugar d'a Sierra d'Albarrazín | Foto: Obervatorio Despoblación
A zaguer victima d'a despoblación en Aragón se diz Masegoso, un lugar d'a Sierra d'Albarrazín | Foto: Obervatorio Despoblación
A zaguer victima d'a despoblación en Aragón se diz Masegoso, un lugar d'a Sierra d'Albarrazín | Foto: Obervatorio Despoblación

ARREDOL | Masegoso, situau en o municipio de Toril y Masegoso, en a comarca d’a Sierra d’Albarrazín, ha estau o zaguer nuclio urbano aragonés en quedar deshabitau dimpués d’a marcha d’o zaguer vecín. Nomás bell vecín puede plenar con una mica de vida iste lugar en verano u en calendatas festivas, como succede en atros lugars aragoneses.

O zaguer vecín ye arbanyil, y por razons laborals, pus ye mas comodo pa desplazar-se t’o suyo puesto laboral, ha albandonau Masegoso pa tresladar-se ta Toril, l’atro lugar d’o municipio. Agora que, Toril tampoco no cuenta con una cantidat prou d’habitadors, nomás quatro u cinco personas ya chubiladas que i vive de contino. Asinas que, Toril podría sufrir a mesma suerte que Masegoso en bell tiempo.

O drama d’a despoblación, que tanto afecta a Aragón, menaza o futuro d’un burguil de lugars, que veyen como as personas chovenas y no tant chovenas han d’emigrar t’as ciudatz mas cercanas u mesmo ta Zaragoza en busca d’un futuro millor, mesmo difuera d’Aragón.

Amás d’a falta d’oportunidatz de treballo u estudios, a falta d’un adequau ret de transporte u servicios basicos como os sanitarios, fan que l’interior d’Aragón quede mas deshabitau y mas viello que no nunca ha estau en os zaguers anyos.

Autor/Autora

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de nuestra política de cookies, pincha el enlace para más información.

ACEPTAR
Aviso de cookies