O festival Perra Vida amostrará diferents propuestas d’a mosica aragonesa en Belchite

ARREDOL | Iste sabado diferents propuestas mosicals de toda mena tendrán una fita en Belchite, en o festival Perra Vida. Rock, funk, soul u reggae son nomás beluns d’os sonius que se i podrán ascuitar mientres un festival que durará tot lo diya. Mientres o diya se i ferán actividatz de toda mena como un taller de baile de man d’o coreografo d’o Conservatorio Superior de Danza de Zaragoza, Alejandro Siveroni, o Prochecto Pititri O Jazz que ferá una revision d’a millor mosica afroamericana d’o sieglo xx dende Hendrix ta Coltraine u Miles Davis. Tamién se i podrán visitar as …

belchite festivalARREDOL | Iste sabado diferents propuestas mosicals de toda mena tendrán una fita en Belchite, en o festival Perra Vida. Rock, funk, soul u reggae son nomás beluns d’os sonius que se i podrán ascuitar mientres un festival que durará tot lo diya.

Mientres o diya se i ferán actividatz de toda mena como un taller de baile de man d’o coreografo d’o Conservatorio Superior de Danza de Zaragoza, Alejandro Siveroni, o Prochecto Pititri O Jazz que ferá una revision d’a millor mosica afroamericana d’o sieglo xx dende Hendrix ta Coltraine u Miles Davis. Tamién se i podrán visitar as exposicions d’as fotografías de Lee Cunnighan y Emilio Jose Mateo y chugar a los chuegos tradicionals aragoneses que dinamizará l’asociación belchitana Panikesa.

O plato fuerte vendrá con os conciertos de tardi-nueit, a on que, en ista segunda edición se podrá ascuitar a mosica de Las Blender, Esparatrapo, 20 de kopas, Frutas y verduras, The Brodies y The Bronson, todas collas aragonesas.

As dentradas t’os conciertos d’a tardi valen 5 euros, entre que las de tot lo diya van a 12 euros y se pueden mercar en o pub Night Train Tavern de Belchite y en o Zorro de Zaragoza. A organización ha presto antimás una zona d’acampada libre amanada t’o recinto d’o festival, en l’antiga estación d’autobuses ta poder dormir-ie.

Autor/Autora

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de nuestra política de cookies, pincha el enlace para más información.

ACEPTAR
Aviso de cookies