O CPR de Uesca ufre un seminario t’o profesorau sobre a luenga aragonesa

ARREDOL | O CPR (Centro de Profesorau y Recursos) de Uesca ha programau un Seminario t’o profesorau de luenga aragonesa que se desembolicará en tres sesions, prencipiando iste 8 de marzo. As atras dos serán o 12 de abril y o 24 de mayo, todas en o CPR de Uesca. Entre os obchetivos d’o seminario, bi ye amillorar a docencia d’o profesorau d’aragonés a traviés d’as nuevas tecnolochías, dar a conoixer recursos, materials y propuestas que aduyen a fer más rica a fayena de docencia de l’aragonés u intercambiar informacions y problematicas entre o profesorau. O seminario ye endrezau t’o …

seminario aragones uescaARREDOL | O CPR (Centro de Profesorau y Recursos) de Uesca ha programau un Seminario t’o profesorau de luenga aragonesa que se desembolicará en tres sesions, prencipiando iste 8 de marzo. As atras dos serán o 12 de abril y o 24 de mayo, todas en o CPR de Uesca.

Entre os obchetivos d’o seminario, bi ye amillorar a docencia d’o profesorau d’aragonés a traviés d’as nuevas tecnolochías, dar a conoixer recursos, materials y propuestas que aduyen a fer más rica a fayena de docencia de l’aragonés u intercambiar informacions y problematicas entre o profesorau. O seminario ye endrezau t’o profesorau d’aragonés tanto en centros publicos como en privaus u asociacions y t’o profesorau en cheneral que siga intresau por a luenga aragonesa.

En a primer sesión, se ferá una presentación d’o programa “Luzía Dueso” y se dabatirá sobre “A integración d’a cultura aragonesa en l’aula”. Tamién bi habrá un taller sobre l’aragonés y as nuevas tecnolochías. En una segunda sesión se charrarán sobre os recursos bibliograficos t’os profesors feitos por as editorials que treballan con l’aragonés, como Xordica, Gara d’edizions y Publicazions d’o Consello d’a Fabla. O seminario rematará con una chornada a on que os participants meterán as experiencias en común y las espardirán en o rete. Ista sesión tamién contará con a presencia de Miguel Ánchel Barcos, traducto y investigador de l’aragonés ansotano.

A inscripción se puet fer dica o 1 de marzo en a pachina web d’o CPR en l’alpartau de inscripción t’os cursos.

Autor/Autora

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de nuestra política de cookies, pincha el enlace para más información.

ACEPTAR
Aviso de cookies