ARREDOL | O colechio d’educación especial Arboleda de Teruel ha recibiu o premio estatal de buenas practicas en bibliotecas escolars. O premio, que da o Ministerio d’Educación, reconoix y esparde a trachectoria d’os centros que destacan por transformar y enriquir a suya biblioteca y asinas adaptar-se ta lo que le cal a l’alumnalla.
Concretament, o CEE Arboleda con o suyo prochecto “Descubrindo a Biblioteca” ha conseguiu o tercer premio d’a modalidat A, destinada t’os centros educativos sostenius con fundos publicos (publicos y privaus concertaus) que fan amostranzas d’Educaicón Infantil Especial y Educación t’as personas adultas, dotau con 6.000 euros.
O CEE Arboleda conta agora mesmo con 68 alumnos. Os estudiants son afectaus por discapacidatz de grau meyo u severo y en beluns d’os casos con problemas motoricos, sensorials u de comunicación. “Dadas as necesidatz propias d’a nuestra alumnalla hemos planteyau l’emplego d’a biblioteca de traza más ampla, adaptando-la a lo que le cal a l’alumno y amanando-la ta cada aula como un espacio d’acceso t’a información”, ha explicau a directora d’o centro Ana Gisbert.
Dende o curso 2007-2008 a biblioteca fa parti d’o programa educativo de Bibliotecas Escolars d’o Gubierno d’Aragón. Iste prochecto tien como obchetivo embrecar tanto a l’equipo docent como a las familias y a l’alumnalla. Ta ixo, y tenendo como exe central o cuento y a biblioteca se han organizau arrienda atividatz de toda mena. “Femos tallers de cuentos multisensorials, emplegamos o sistema de pictogramas de Arasaac, femos teatro a on que treballamos a tecnica d’a luz negra…”, sinyala a directora d’o centro.
Desde el curso 2007-2008 la biblioteca forma parte del programa educativo de Bibliotecas Escolares del Gobierno de Aragón. Asimismo y gracias también al trabajo del equipo docente este espacio de lectura forma parte de la dinámica pedagógica del centro
A maleta viachera ye una atra d’as actividatz que fa que a biblioteca siga itinerant. Pende en una maleta que tien cuentos adaptaus, libros, monyacos u chuegos que cada semana cada alumno se leva ta casa ta compartir con a familia. O diya a diya d’a biblioteca d’o centro se completa fendo un periodico escolar u chornadas de formación y organizando fiestas tematicas.
D’ista traza, l’alumnalla interactuan entre ells, treballando dembas como l’autoestima y antimás se consigue estimular multisensorialment as esferents canals d’acceso t’a información, con os cinco sentius, fendo más facil asinas comprender o mundo que tienen arredol.