Nogara ubre o plazo de matriculación t'o proximo curso

L'asociación cutural Nogara, situada en a zaragozana plaza Asso d'o vico d'a Madalena, ha ubierto o plazo de matriculación t'os suyos graus d'aragonés t'o curso 2016/2017. Os cursos prencipian a primera semana de noviembre y rematarán en chunyo. Y encara que se recomienda a modalidat presencial tamién existe a posibilidat de fer-los en modo "on line".

Foto: @alexescruxinau

Os horarios d'o primer grau son os luns de 19.00 a 22.00 horas, os martes de 19.00 a 22.00 horas y os mierques de 19.00 a 22.00 horas. T'os alumnos de segundo grau os horarios son os luns de 19.00 a 22.00 horas y os sabados de 10.00 a 13.00 horas. Tamién son disponibles en a localidat de Lituénigo (Zaragoza) os viernes de 20.00 a 22.00 horas.

Ta apuntar-se se puede fer a traviés de asociacion@nogara-religada.org, por as tardes en a tabierna a Flama (carrera Mayor 53, Zaragoza) u de luns a chueves en o local de Nogara a parir d'as 19.00 horas. O pre ye de 70 euros por tot o curso.

Dende Nogara, David F. mayestro de primer grau, resalta de cara a o nuevo curso l'aumento de peticions que son recibindo y o incremento de alumnau d'os zaguers anyos. Frent a ista situación, Nogara ye treballando en a millora d'os suyos recursos, tanto humans como materials. En o profesorau se combina a experiencia de veteranos con a formación de nuevos docents.

A causa d'os recursos materials como libros, diccionarios, proyectors y as novedatz disponibles en a botiga, dende Nogara recomiendan a modalidat presencial porque permite desfrutar d'istes materials. Amás, l'asistencia a l'aula permite tamién reforzar a socialización en aragonés por meyo d'a interacción con a resta d'o alumnado.

L'uno d'octubre tendrá puesto en o local de Nogara a Devantadera d'os cursos, que ye un acto festivo en el qual se fa a devantadera d'a temporada. En ista se da comienzo a la temporada d'os graus, se da os suyos titols a os alumnos d'o curso anterior y se presientan prochectos ta difundir l'uso de l'aragonés.

Autor/Autora

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de nuestra política de cookies, pincha el enlace para más información.

ACEPTAR
Aviso de cookies