Más de 15.000 ciclistas s’apuntoron t’a “Trencauesos”

7.500 personas participarán en a preba ciclista de 200 km

Quebrantahuesos 2014ARREDOL | Iste mierques s’han conoixiu qui serán os 7500 ciclistas que podrán competir as prebas d’a “Trencauesos” y a “Pintaparetz”. D’os quincemil apuntaus, s’ha decidiu, por sorteyo retransmitiu en directo por a web oficial d’a preba, que i participen qui tiengan entre o numer 11.682 y o 15.443 u entre o 1 y o 3.738. En o caso d’a preba de Meyo Fundo “Pintaparetz” no ha caliu sorteyo en no emplir-se as 2.000 plazas ufiertas.

Totz qui han conseguiu una d’as plazas recibirán un correu electronico personalizau con as claus que cal, mientres os venients diyas. Tamién en recibirán un parellano totz qui haigan rematau quince u mas edicions d’a Trencauesos Gran Fundo u Pintaparetz Meyo Fundo, u que haigan participau sin suerte en os tres zaguers sorteyos.

A Trencauesos ye una preba ciclista de Gran Fundo de 200km de recorriu que se ferá o venient 20 de chunio. A Pintaparetz ye de Meyo Fundo y 85km, celebrando-se o 13 de setiembre. Todas dos recorren entornos naturals de gran valura y levan nombres de muixons fendo chuegos de parolas en castellano (Quebrantahuesos / Gypaetus barbatus y Treparriscos / Tichodroma muraria).

Autor/Autora

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de nuestra política de cookies, pincha el enlace para más información.

ACEPTAR
Aviso de cookies