Lo Partido Verde (antes Verdes Equo) ha denunciau lo preocupant estau d’A Isuela a lo suyo paso por la ciudat de Uesca, an lo baixo caudal, l’acumulación de residuos y la proliferación d’algas evidencian un claro deterioro ambiental.
La formación ecolochista advierte que no se tracta d’una situación puntual, sino d’un problema estructural derivau d’a falta d’actuación y control por parte d’as administracions competents, en especial d’o Concello de Uesca y d’a Confederación Hidrografica de l’Ebro (CHE).
“Somos debant d’una imachen que no nomás ye indignante dende lo punto de vista ambiental, sino tamién preocupant ta la salut de l’ecosistema y d’a propia ciudat. No se ye garantindo lo caudal ecolochico d’o río A Isuela, bella cosa que levamos anyos denunciando. Somos valorando trasladar ista situación ta la Fiscalía de Medio Ambiente”, ha sinyalau Silvia Mellado, coportavoz d’o Partido Verde.
Amás, lo Partido Verde subraya “a falta de coherencia de l’equipo de gubierno municipal”, y recuerdan que “en l’antesala d’as eleccions aragonesas, l’alcaldesa de Uesca se fotografió chunto a lo president d’Aragón anunciando prochectos de renaturalización d’o río A Isuela”.
“Aquella foto prometeba un futuro millor ta lo río, pero la realidat ye muit diferent: A Isuela ye abandonata y lo concello no ye exercendo la influencia que debería ta exichir solucions”, ha anyadiu Mellado.
La formación considera que “no basta con anuncios a largo plazo de mas que dudoso cumplimiento”, sino que ye imprescindible “actuar de forma inmediata y continuada” sobre lo río, garantindo un caudal minimo, millorando la limpieza y controlando os vertidos.
Por tot ixo, lo Partido Verde exiche la “garantía efectiva d’o caudal ecolochico d’o río A Isuela”, asinas como “una inspección urxent de l’estau d’o río por parte d’a CHE”, tamién “un plan de mantenimiento inmediato en o tramo urbano”, y “mayor implicación del Concello de Uesca en a defensa d’o río debant d’atras administracions”.
