ARREDOL | O sí a la independencia d’Escocia contina aumentando y alcorzando a distancia con o no. Seguntes una enqüesta que publicaba ahiere o diario Herald Scotland, os favorables a la independencia son o 48%, y o no tien o emparo d’o 52%. “Escocia habría d’escayeixer un país independient?”, será a pregunta que os ciudadanos y ciudadanas habrán de responder o 18 de setiembre.
“A enqüesta contrimuestra o creiximiento d’o emparo a o sí y que o mensache d’o miedo d’o no fracasa”, ha dito Blair Jenkins, president executivo d’a organización Yes Sctoland. Seguntes ell, “a internacionalización d’o debat -con personas como Obama charrando d’Escocia- y l’acceptación de tot o espectro politico que Escocia amenista mas poder” empenta o voto afirmativo.
A campanya por o no quiere fer creyer que a os independentistas “se les acaba o tiempo”. Pero o partiu d’o primer ministro, Alex Salmond, confita en atrahier a os indecisos.
