L’aragonés estió present en a feria Expolangues

ARREDOL | A luenga aragonesa estió present, por primer vegada, en a  más gran Feria Internacional adedicada t’a diversidat lingüistica, Expolangues, Exposición d’as luengas y as culturas, que ha celebrau a suya 31 Edición en París entre o 6 y o 9 de febrero, baixo o patrocinio d’o Parlamento Europeu. Expolangues ye una plataforma ta promover o multilingüismo a traviés de trobadas, intercambios y iniciativas. O profesor y escritor Chuse Antón Santamaría, miembro tamién de Rolde de Estudios Aragoneses y Consello d’a Fabla Aragonesa, bi presentó a ponencia “Cuaranta anyadas d’edición en aragonés y catalán d’Aragón”, aintro d’a mesa redonda …

expolangues 2008 paris udalbideARREDOL | A luenga aragonesa estió present, por primer vegada, en a  más gran Feria Internacional adedicada t’a diversidat lingüistica, Expolangues, Exposición d’as luengas y as culturas, que ha celebrau a suya 31 Edición en París entre o 6 y o 9 de febrero, baixo o patrocinio d’o Parlamento Europeu.

Expolangues ye una plataforma ta promover o multilingüismo a traviés de trobadas, intercambios y iniciativas. O profesor y escritor Chuse Antón Santamaría, miembro tamién de Rolde de Estudios Aragoneses y Consello d’a Fabla Aragonesa, bi presentó a ponencia “Cuaranta anyadas d’edición en aragonés y catalán d’Aragón”, aintro d’a mesa redonda “A racada cultural y as politicas de promoción de luengas minorizatas”, centrada en as ferramientas ta protecher y promover a diversidat cultural y lingüistica en Europa, con especial trucacio a luengas como l’aragonés, euskara, bretón, catalá, corso, gaelico, galego, macedonián, occitano y sardo.

A mesa (moderada por Günther Dauwen y compuesta por Manuel Bragado, president de l’Asociación d’Editor en gallego, Carles Torner, director d’o programa sobre Literatura y Cultura catalana, y Chusé Antón Santamaría por REA) estió organizada por o Centre Maurits Coppieters, que en o suyo puesto metió publicacions en aragonés y catalán d’as editorials Aladrada, Rolde de Estudios Aragoneses, Xordica, Gara d’Edizions, Prames, Consello d’a Fabla Aragonesa, Sociedat de Lingüística Aragonesa y d’o Gubierno de Aragón.

Autor/Autora

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de nuestra política de cookies, pincha el enlace para más información.

ACEPTAR
Aviso de cookies