Follarasca, la Feria d'Agüerro d'os Pirineus -Feria de Otoño de los Pirineos, en castellano- que se celebra en L’Aínsa, cumple cinco anyos de trayectoria y este anyo, como novedat, se prochectarán tres cortos documentals sobre lo sector primario y un coloquio posterior moderau per Jorge Molero, Coordinador Tecnico d'o Ret de Municipios per l'Agroecolochía, ferán a devantadera d’a programación lo viernes, 1 de noviembre, a las 19.30h en o Centro Cultural.
Amás, Follarasca torna a lo patio d'o Castiello de L’Aínsa lo proximo sabado, 2 de noviembre, a partir d'as 11h con os productors locals, que superarán la veintena, los tallers pa publico infantil y familiar, las degustacions y lo Tercer Concurso Monografico de Gallina de Sobrarbe.
“Este anyo le hemos dau un nuevo empento a Follarasca con una tarde dedicada a la prochección de treballos que las suyas tematicas tienen muito que veyer con esta feria. Agricultura, emerchencia climatica y la importancia d'o chicot comercio son afers que abordaremos en profundidat, amás muito bien acompanyaus per lo nuestro amigo Jorge Molero, d'o Ret de Municipios per l'Agroecolochía, en a cuala L’Aínsa ostenta la presidencia", explica la consellera y coordinadora d'a Feria Susana Pérez.
Los títols triaus han estau ' 'Revivir el campo', 'Pequeñeces' y 'La Caravana libre de tóxicos'. Amás, se ferá la presentación d'a 'Aldea 0', un prototipo de aldea d'o sieglo XXI que tiene como función esencial la chestión agroecológica d'o territorio. En finalizar, los asistents tendrán ocasión de participar en una degustación de productos agroalimentarios d'a comarca de Sobrarbe.
Plegaus a lo sabado, lo centro d'actividat se treslada a la Villa Medieval, concretament a la carpa instalada en o patio d'o Castiello. Mas d'una veintena de productors locals, entre los cuals se troban artesans d'a miel, la mermelada, las mazanas, lo queso u la carne, se darán cita allí a partir d'as 11h. A las 12h ye previsto un taller sobre limpieza sana d'o fogar, impartiu per 'Medicina para el alma' ensenyando a preparar productos mas respectuosos con o meyo ambient y con a salut d'as personas.
Per la tarde lo protagonismo l'acapararán los responsables de l'Hortal Escolar Ecolochico y las ninas y ninos d'o Consello d'Infancia y Choventut municipals, pues como en edicions anteriors i habrá un taller de fabricación de cuerdas pa tota la familia y unatro de chuguetz y trastes musicals que finalizarán con a degustación d'una brienda saludable, preparada per las conselleras y consellers d'o municipio.
“Entre tot lo día podremos veyer cómo s'elabora lo zumo de mazana con demostracions que ya son tradición d'esta feria, y la exposición de material apícola, un sector a l'alza en Sobrarbe a lo cual queremos seguir dando tota la visibilidat posible”, recalca Susana Pérez. “Y unatra convidada que ha plegau pa quedar-se ye la Gallina de Sobrarbe, con un plus de promoción gracias a lo tercer concurso monografico, organizau per AGASOB, a qui agradeixemos enormement lo treballo que realizan pa la conservación y valorización d'a Gallina de Sobrarbe”, concluye la coordinadora.
Follarasca leva celebrando-se en L’Aínsa dende 2019 dentro d'o ya finalizau prochecto de cooperación Pro-Sobrarbe, que se desenvolvió entre 2019 y 2022. Yera integrau per la Fundación pa la Conservación d'o Quebrantahuesos (FCQ), l'asociación de hortelanos Arto-Un Paso Atrás, Turismo Verde Uesca, l'Asociación Altoaragonesa de Selección de l'Abella Negra (RUSTEN), la Universidat de Zaragoza y lo Concello de L’Aínsa-Sobrarbe.
Lo grupo sigue mantenendo reunions periodicas y levando entadebant una feria que la suya motivación orichinal s'enfocaba en millorar la competitividat y viabilidat economica d'as explotacions apícolas y agricolas. Pero actualment, Follarasca da cullida a emprendedors locals d'o sector primario y valoriza metodos de treballo tradicionals, sumando-se a lo calandario festivo de L’Aínsa y convertindo-se en cita habitual de l'agüerro, “una iniciativa -argumenta la consellera-, que sirve d'excelent escaparate de productos a lo mesmo tiempo que treslada a lo publico la rica biodiversidat d'o territorio”.
