ARREDOL | A ferramienta informa de parametros como a cantidat de articlos en revistas scienficas, os achustes y os prochectos entre as collas d'investigadors d'a UZ.
Iste lunes se presentó en Zaragoza Kampal, Mapa d’Investigación d’a Universidat de Zaragoza. Ye una ferramienta informatica creyada por l’Instituto Universitario de Investigación en Biocomputación y Fisica de Sistemas Complexos (BIFI) que permite chenerar mapas de diferents colectividatz d’a Universidat de Zaragoza a on que se puet visualizar a productividatz d’os investigadors suyos parando cuenta en determinaus parametros, como os articlos publicaus en revistas scientificas u os prochectos y achustes d’investigación.
L’aplicación proporciona – fendo servir información de bases de datos d’a Universidat – estudios y informes seguntes los criterios definius por l’usuario, que triga la colectividat d’o suyo intrés. Ista ferramienta de caracter ubierto ye disponible en internet y irá adhibindo-ie nuevas funcionalidatz con o tiempo. L’edificio Paraningo aculle mientres tres semanas una exposición de mapas d’investigación conseguius con Kampal.
