#LuengasAragón  Política

José Ignacio López Susín, nombrau director cheneral de Politica Lingüistica d’Aragón

López Susín habrá de fer cara a la elaboración d'una nueva lei de luengas. O PSOE quiere buscar o consenso con IU y Podemos pa aprebar a lei.
| 1 agosto, 2015 13.08

O Gubierno aragonés ha feito publico o nombramiento de José Ignacio López Susín como primer director cheneral de Politica Lingüistica en a historia d’Aragón.

López Susín ye militant de CHA y miembro de Consello d’a Fabla Aragonesa y Rolde d’Estudios Aragoneses. Ha publicau diversos libros y articlos referents a la luenga aragonesa y o dreito aragonés. Fue miembro d’o extinto Consello Superior d’as Luengas d’Aragón a propuesta d’as Cortes d’Aragón y participó en a elaboración de l’abantprochecto de lei de luengas de l’anyo 1998 como experto en Dreito.

O nuevo director habrá de fer cara a la elaboración d’una nueva lei de luengas que derogue a lei feita por PP y PAR. Dita lei, han declarau dende o PSOE, habrá de fer-se con o mayor consenso posible. Ixo pasará obligatoriament por l’acuerdo con Podemos y IU, partius con qui o PSOE quiere negociar en iste afer. No cal olbidar que por matematica parlamentaria, PSOE y CHA amenistan a lo menos o emparo de Podemos si quieren aprebar una nueva lei de luengas, suposando o esperau refuse de PP, PAR y Ciudadanos.

Noticia publicada en Arredol.

1 agosto, 2015

Autor/Autora

"Arredol quiere fer una apuesta por potenciar a comunicacion en aragones. Queremos fer un medio de referencia, pero en aragones, que planteye atro paradigma socio-politico y cultural". (arredol.com / @arredol)


Twitter
Facebook

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de nuestra política de cookies, pinche el enlace para mayor información.

CERRAR