Homenache a o Chusticia d’Aragón

Fosca Delera, Ixera, Bosnerau y o Dance de Sant Chusé se chuntarán o proximo 17 d'aviento, de tardes, de 17.30 a 20.30, en una chornada homenache a Chuan de Lanuza en o Centro d’Historias de Zaragoza. Palotiau, mosica y teatro se conchugarán pa celebrar o cabo d’anyo d’o Chusticia.

13 diciembre, 2016. 07:17

O sabado 17 d’aviento a companyía de teatro en aragonés Fosca delera organiza una chornada homenache a Chuan de Lanuza V “o mozo”, Chusticia d’Aragón, asasinau vilment en 1591.

O puesto an que se ferán os actos será o Centro d’Historias - Plaza Sant Agostín 2, de Zaragoza -, de tardes, de 17.30 a 20.30, con as actuacions d’o Dance de Sant Chusé, Bosnerau, Fosca delera y Ixera.

Palotiau, mosica y teatro se conchugarán pa celebrar o cabo d’anyo d’o Chusticia.

A dentrada ye libre dica plenar l’aforo.

Ista no ye soque una actividat mas d’as muitas que bi’n ha en homenache a ista institución y figura tant emblematica.

Firma

ARREDOL

"Arredol quiere fer una apuesta por potenciar a comunicacion en aragones. Queremos fer un medio de referencia, pero en aragones, que planteye atro paradigma socio-politico y cultural". (arredol.com / @arredol)