Este pasau sabado, 19 de marzo, se chugó a zaguera chornada antes d’os Playoffs. En o primer set podiemos veyer como lo conchunto aragonés teneba una avantalla muit gran contra los sorianos, de 20/10, pero lo Soria conseguió remontar dica los 22 puntos encara que acabó perdendo 25/22.
O segundo set estió más achustau y prou tenso t’o Teruel pus ganoron por 30/28, amostrando los sorianos a suya resistencia a perder o segundo set.
T’acabar o partiu, o Teruel ganó 25/20 a lo Soria, deixando lo marcador 3-0, estando lo seiseno partiu perdiu de zero por os sorianos.
En cheneral a trobada en Los Planos estió tranquila encara que con bella mica de tensión en bell punto important ta estar a zaguera chornada d’a liga regular. En a clasificación o club quedó seiseno, lo que fa que en os Playoffs chugue contra lo Club Voleibol Guaguas, tercero en a clasificación.
Y entremistanto, O Club Voleibol Zaragoza chugó dos partius, uno contra lo CV Manacor perdendo 1/3 en casa, y ganando l’atro contra lo CV Eivissa 3/0.
