Fortanet celebra a II edición d’a suya Marcha BTT

ARREDOL | Dimpués de l’exito de l’anterior edición, iste domingo 28 se ferá en Fortanet (Mayestrato), a II edición d’a Marcha BTT, que se ferá de tot por puestos d’o lugar de Fortanet, prencipiando y rematando a corrida en a plaza d’o lugar. A marcha ye organizada por l’Asociación Esportiva La Faldriha, en colaboración con o Servicio Comarcal d’Esportes d’o Mayestrato y o Concello de Fortanet. Una d’as claus fundamentals d’ista marcha esportiva ye lo variau d’o suyo recorriu. Mientres 54 kilometros, se visitan os puestos más representativos d’o municipio de Fortanet, con prous costeras, alternadas con camins más tranquilos. …

fortanet BBTARREDOL | Dimpués de l’exito de l’anterior edición, iste domingo 28 se ferá en Fortanet (Mayestrato), a II edición d’a Marcha BTT, que se ferá de tot por puestos d’o lugar de Fortanet, prencipiando y rematando a corrida en a plaza d’o lugar. A marcha ye organizada por l’Asociación Esportiva La Faldriha, en colaboración con o Servicio Comarcal d’Esportes d’o Mayestrato y o Concello de Fortanet.

Una d’as claus fundamentals d’ista marcha esportiva ye lo variau d’o suyo recorriu. Mientres 54 kilometros, se visitan os puestos más representativos d’o municipio de Fortanet, con prous costeras, alternadas con camins más tranquilos. O recorriu ye trestallau en dos partis de 27 km, podendo cada participant esleixir si en fa uno u los dos trampos.

Dende a organización se han presto 5 puntos de control a on que se dará virolla. Totz os participants podrán fer-se dimpués una chenta de chirmandat a on que se ferá a dentrega d’os trofeus t’os millors clasificaus y un sorteyo de bells premios entre os participants.

“A Marcha BTT ye una preba esportiva adaptada ta totz os libels, dende os grans esportistas dica los que quieren gronxiar-se con o paisache entre que pedalean”, dicen dende o concello, qui animan a totz a que “participen y conoixcan iste cabo d’o Mayestrato”.

A Marcha BTT de Fortanet conta con o reconoiximiento d’a Federación Aragonesa de Ciclismo qui la ha incluyida en o suyo calendario de prebas anyals, igual como o Circuito Intercomarcal de Marchas Cicloturistas BTT que conta con 15 prebas que se fan por todas las comarcas teruelanas. T’apuntar-se-ie, pueden fer-lo totz os mayors de 15 anyadas en l’adreza deportes@comarcamaestrazgo.es.

Autor/Autora

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de nuestra política de cookies, pincha el enlace para más información.

ACEPTAR
Aviso de cookies