ARREDOL | O VI Galve Rock plega iste sabado 11 con firme presencia de collas de rock furo aragonés y con l’actuación de Boikot como colla estrela. Mientres más de dotze horas, rock, punk u ska sonarán en iste lugar d’a Comunidat de Teruel. A dentrada ye de nomás 12 euros.
Antimás de Boikot, por o Galve Rock pasarán as collas No konforme, tamién de Madrit, Skartxoak, d’o Mayestrato, Ni zorra, de Galv y Escuita, Omeveigues, de Valderoures, Hermanos Alasarmas, de Mont-Reyal y Kontusión, de Zaragoza, emplindo asinas o cartel de mosica aragonesa.
Os conciertos prencipiarán a las 17.30 horas, encara que antis bi habrá chuegos tradicionals. Dimpués d’os conciertos, a borina continará con una disco movil.
Con iste festival, a organización preba de fer una “actividat cultural t’os chovens dende un meyo albandonau como ye o meyo rural, a on que os lugars chicotz no cuenta a la hora d’o reparto cultural y a on que os chovens no tienen actividatz diferents en a suya redolada”.
