Fin de añu-Prencipiu de añu

Asina la data conviertese nun engorriu, un pilancu que impide ver que la hestoria sigue desendolcandose siguiendo una mesma llínea fundamiental, sin bruscas paradas, cumo cuandu nel cinematógrafu estrangallase la pilícula y dase un entrevalu de lluz cegadora… Antonio Gramsci Finou'l añu 2022, y cumo sempre nestas datas apaecen reportaxes murmios, noticias resumen de “lu meyor del añu” y alcurdanzas nas redes sociales de lo aconteciu y mas “importante”. Premiteme tenere dubias y desconfianzas. Viene-nos marcau que pensar y hasta porque tenemous que chorare, rire ou sentir señarda. Las navidaes son momentos de cruenta dictadura cultural pol mediu de la …

Asina la data conviertese nun engorriu, un pilancu que impide ver que la hestoria sigue desendolcandose siguiendo una mesma llínea fundamiental, sin bruscas paradas, cumo cuandu nel cinematógrafu estrangallase la pilícula y dase un entrevalu de lluz cegadora…

Antonio Gramsci

Finou'l añu 2022, y cumo sempre nestas datas apaecen reportaxes murmios, noticias resumen de “lu meyor del añu” y alcurdanzas nas redes sociales de lo aconteciu y mas “importante”. Premiteme tenere dubias y desconfianzas. Viene-nos marcau que pensar y hasta porque tenemous que chorare, rire ou sentir señarda. Las navidaes son momentos de cruenta dictadura cultural pol mediu de la producción másiva de mecanismos pa vender emociones mercantilizadas y facer un parón onde puede deixarse a un llau toas las miserias y problemas que penamos, tou llenu de una ostentación obligada, peru oye, con estu nun quieru esbaratar el esperitu navideñu y tampoucu facer el tipicu descursu escontra'l añu nuevu, el sou carauter capitalista afincau nas dinámicas hiper consumistas, onde unos pueden permitise la subida de precios del mariscu, presentes y endemas parafernalia y outras conformasen con velas na televisión. Unas cellebraciones alexadas d'un sentir comunitariu y aconceyau. Peru si prestariame dicire dalgu pa vivilo con espiritu críticu y concientes. Faenos meyor y podremos estar mas sientos/as y nun allegar pensare que podemos pechar lo malu socialmente y escomenciar un nuevu añu facilmente comiendu 12 uvas y comentando cual ye'l primer anunciu tres las campanadas.

Primeiru dicire que dalgún xeitu parez que la parcelación del tiempu nos 365 dias y dalgunas horas pudiera facenos pescanciare meyor el mundu nel que vivimos y ubicare toa la llarga ristra de episodios que estamos viviendo. Da feitu ye d'esti xeitu cumo presentanos la realidá: parcelada, aisllada y confusa. Una parte de la responsabilidá xurde de cumo se fae y pa que'l conteniu nos medios de comunicación, redes sociales, internet y esu craru, trespasase al campu social, a la realidá diaria, a momentos íntimos y nestas datas especialmente a las caricaturescas discusiones familiares que a vueltas finan bastante mal. Onde pueden vese cuales son las bases del entendimientu y los viraxes políticos que estamos sufriendu; a cada añu que pasa vemos cumo los reaccionarios y las ideias facistas, ideias lliberales lexitimadoras de la ofensiva a las nuesas condiciones de vidas están emponiéndose y estu nun ye casualidá. Y muitas veces ainda viniendo de personas trabayadoras. Puedes odiar al tou cuñadu de turnu, deixotelo a la tua elleición, peru hay que pescanciar el purque piensa asina y purque cada dia tienen mas presencia. Los temas que podrán salire van dende la subida de combustibles, la crisis económica, la xerra de Ucrania, la inflaución y aumentu de la probeza, la ley LGTBI, violencia machista, la ley del si solo es si, despobración, transición enerxética y un sinfin de procesos que marcan las nuesas vidas, vienen daos cumo frutu duna serie de casualidaes aisladas inevitables o tamien “resueltas”con parches, separadas del cumo ta organizau 'l mundu y las relaciones sociales. D'esti xeitu nas discusiones típicas, parez que solu podemos outar por lo dichu pol partidu políticu col que mas sentímonos identificaos/as peru nun ye así nel fondu, nin foi, ni lo sedrá. Por eillu lo que no se diz nun fai frente , queda entonau baixo'l morgazu de la dictadura cultural del capital. Y xusto las ideias tresformadoras que afondan na realidá están quedando baixo'l suelu.

Asina, si coyemos tou lo pasau ensin midire, ensin entruganos por los oríxenes, responsables y causantes de purque escontece lu que escontece y nun outra cousa, ensin esquemas previos pa su meyor comprensión y por supuestu ensin ubicare'n procesos mas llargos a nivel temporal, el resultau sedrá que la desesperación, la desidia, la simplicidá, las ideias reaccionarias ou la mas absoluta alienación acutase de nos. Y xustu esu ye lu que quieren imprentar: El mieu antia la inmensidá y destinu del mundu y la delegación de las nuesas potencialidades e intereses coleutivos pala tresformación del mundu nun llugar vivible.

Pa finar dicire que nun pueden facenos aceutar esa búsqueda de darreu de pracer que roza la depresión -cumo cuandu miramos videos compulsivamente nos nuesos moviles-, nun hay guapura en camudar la güeyada pa nun querer ver, en tapanos los güeyos y oreyas pa deixar de llau a outra xente, ensin afrontare la realidá coleutivamente con su brutalidá y maxestuosidá y ensin arriesgare tan solu un poucu de la fraxil y subjetiva estabilidá que gociamos.

El 1 de Xineiru tou sigirá igual ou igual non…

Autor/Autora

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de nuestra política de cookies, pincha el enlace para más información.

ACEPTAR
Aviso de cookies