“Estoy hecho un cocinicas” replega en comic recetas de toda mena

ARREDOL | Azagra, Revuelta y Xcar son os autors d'iste "comic de recetas" a on que tamién colabora Iru y Chema Cebolla.

10 noviembre, 2014. 07:03

Portada del comic.ARREDOL | Beluns d’os más populars dibuixants de comics aragoneses s’han uniu ta fer un tebeo de cocina a on que se replegan bellas quantas d’as suyas millors recetas. “Estoy hecho un cocinicas” conta con o treballo de Carlos Azagra, Encarna Revuelta, Xcar Malavida, y a colaboración de Chema Cebolla y Iru, totz autors d’un trapacil de comics.

Os autors sinyalan que “cocinar ye tant embolicau como tu mesmo te lo proposes. Nusatros te trayemos en istas pachinas recetas de toda mena, capables tanto de apanyar-te un apuro, como de levar-te t’a fama entre os tuyos amigos como tot un cocinicas”.

As propuestas planteyadas “pueden pareixer simplas”, afirman, “y ixa ye a nuestra ideya. Minchar bien no significa que calga estar un experto en alta cocina, sino que queremos que te poses debant d’un plato de buen fer y que en ficar una parte en a tuya boca te preguntes ¿como qualcosa tant simpla ye tant buena?”.

Antimás, t’o comic, El Gran Bob y Pepe Vázquez han feito una canta y un video a on que se charra d’as recetas d’o comic y bi apareixen belunas d’as suya vinyetas y autors.

Firma

Noticias relacionadas

· PUBLICIDAD ELECTORAL ·
· PUBLICIDAD ELECTORAL ·
· PUBLICIDAD ELECTORAL ·