La Comarca de Sobrarbe y Patrimonio d'o Gubierno d'Aragón convocan l'IX Premio Espiello Agora x l’aragonés, que se celebrará en o marco d'a XXIII edición de Espiello, Festival Internacional de Documental Etnográfico de Sobrarbe, d'o 13 a lo 22 de marzo de 2026 en Boltaña.
Este premio tiene como obchectivo difundir lo patrimonio lingüistico aragonés, fomentar la creyación audiovisual en luenga aragonesa y dar visibilidat a los treballos realizaus en esta luenga. En a pasada edición se presentoron cuatro treballos en a categoría escolar y seis en a cheneral, cifras que la organización confía en superar en 2026.
Dos categorías y 1.400 euros en premios
Lo Premio Espiello Agora x l’aragonés contempla dos modalidaz. Per un costau, categoría cheneral, dotada con 900 euros y trofeo, “reconoixerá lo millor audiovisual en aragonés realizau entre l'anyo 2025”.
Per unatro, categoría escolar, premiada con una experiencia ludico-educativa valorada en 500 euros y trofeo, orientanda a treballos en aragonés realizaus per alumnado d'educación infantil, primaria, secundaria u educación de adultos entre 2025. Esta categoría busca “potenciar l'uso de l'aragonés en l'ambito educativo y estimular l'interés d'os mas chóvens per la creyación audiovisual y la cultura aragonesa”.
Requisitos de participación
Podrán concorrer toz los audiovisuals gravaus, doblaus u subtitulados en aragonés entre l'1 de chinero y lo 31 d'aviento de 2025. No s'admitirán videos en formato vertical.
La organización recomienda l'uso d'a normativa de l'Academia Aragonesa d'a Luenga y se reserva lo dreito de triar las obras finalistas pa la suya prochección en o festival.
Lo plazo d'inscripción remanirá ubierto dica lo 9 de chinero de 2026. La inscripción ha de realizar-se per medio d'o formulario disponible en www.espiello.com.
