Esfendemos as luengas se suma a las criticas a lo premio de relatos monolingüe d’a FLA

ARREDOL | A plataforma “Esfendemos as luengas” ha criticau a convocatoria d’o concurso de relatos feita por a Feria d’o Libro Aragonés de Monzón, por no poder-se presentar-ie que relatos escritos en castellano, amarguinando asinas as atras luengas d’Aragón, aragonés y catalán. Esfendemos as luengas ha recordau que aragonés y catalán han teniu ampla presencia en a Feria que se celebra todas las anyadas en a Zucrera de Monzón dende fa, en ista edición, vinte anyadas. I han teniu presencia asociacions como Nogara, Fablans u Consello d’a Fabla por a parte de l’aragonés y Iniciativa Cultural de la Franja, ASCUMA …

T'o concurso de relatos que celebra o 20eno cabo d'anyo d'a Feria nomás se i pueden presentar obras en castellano, En la imachen, puesto de Nogara en a FLA de 2009.
T'o concurso de relatos que celebra o 20eno cabo d'anyo d'a Feria nomás se i pueden presentar obras en castellano, En la imachen, puesto de Nogara en a FLA de 2009.
T'o concurso de relatos que celebra o 20eno cabo d'anyo d'a Feria nomás se i pueden presentar obras en castellano, En la imachen, puesto de Nogara en a FLA de 2009.

ARREDOL | A plataforma “Esfendemos as luengas” ha criticau a convocatoria d’o concurso de relatos feita por a Feria d’o Libro Aragonés de Monzón, por no poder-se presentar-ie que relatos escritos en castellano, amarguinando asinas as atras luengas d’Aragón, aragonés y catalán.

Esfendemos as luengas ha recordau que aragonés y catalán han teniu ampla presencia en a Feria que se celebra todas las anyadas en a Zucrera de Monzón dende fa, en ista edición, vinte anyadas. I han teniu presencia asociacions como Nogara, Fablans u Consello d’a Fabla por a parte de l’aragonés y Iniciativa Cultural de la Franja, ASCUMA u CERIB por o catalán.

A plataforma sinyala a Marisa Mur, concellera d’o PP y presidenta d’o Patronato d’a Institución Ferual, como una d’as posible culpables ya que dende o suyo nombramiento “s’han decudiau sospeitosament” bellas cosas: os cartels que yeran trilingües han deixau d’estar-ne, s’ha reduciu o presupuesto y o numer d’actividatz, y s’ha dau acceso a collas extremistas anticatalán”.

A Feria tamién estió motivo de polemica en l’anterior edición por a presencia d’una caseta de Nuevas Cheneracions d’o PP, a on que se replegaban “productos de primer necesidat” que dimpués se donarían a Cáritas.

Esfendemos as luengas ha recordau tamién que a presencia d’a FACAO (colla anticatalán con vinclos con a extrema dreita) fació que bellas asociacions en esfensa d’o catalán deixasen d’acudir-ie y que muitas atras se’n queixasen por a suya presencia. Istas zaguers midas les fan barruntar-se que “puedan deixar ferida de muerte a Feria”.

Ta rematar, Esfendemos as luengas anima a la chent a endrezar-se enta l’organización d’ista fita ta fer-les plegar “as queixas como aragoneses y aragonesas esfensors d’a reyalidat trilingüe aragonesa" en o correu electronico ferialibromonzon@gmail.com.

CHA protesta por o concurso de relatos d’a FLA “nomás en castellano”

A colla municipal de CHA en Monzón ha considerau “escandaloso” iste feito”. O suyo protavoz, Álvaro Abadías, considera que “ye penible comprebar como una feria que mientres anyadas ha meso en valor a realidat trilingüe d’Aragón, y a diversidat cultural d’o nuestro país siga perdendo personalidat, y amostrando una evident falta de sensibilidat ent’a realidat lingüistica aragonesa.

CHA ha remerau como en o censo lingüistico que fació lo concello de Monzón en 1997, un 48% d’os enqüestaus conoixeban u charraban l’aragonés u o catalán. En ixe mesmo censo un 42,5% yera a favor de l’amostranza de l’aragonés en os centros publicos y un 49,3% creyeba que o concello heba de fomentar a luenga aragonesa.

Autor/Autora

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de nuestra política de cookies, pincha el enlace para más información.

ACEPTAR
Aviso de cookies