ARREDOL | Os Titiriteros de Binéfar ubren A Casa d’os Titeres de L’Abizanda pa empecipiar a programación de funcions de verano. Huei sabado 29 a las 18.00 horas, ista companyía ferá a primer representación en a casa con “La fábula de la raposa“, continando con as funcions de teatro de titeres o chueves 4 de chulio con “En la boca del lobo” y o sabado 27 y domingo 28 con a obra “Maricastaña“.
Tot rematando a función de “La fábula de la raposa”, se ferá una presentación d’a temporada de verano y se dará a tastar en a plaza de L’Abizanda tomate rosa y tostadas.
A casa cuenta con un teatro pa unas 100 personas y un espacio a l’aire libre, que yera una antiga era, pa fer-ie espectaclos. En a casa tamién i hai puesto pa una exposición de marionetas de diversos países que mesmo pueden estar manipoladas por os visitants.
En agosto, a casa será ubierta totz os diyas, fueras d’os lunes.
