ARREDOL | Dende fa bells meses podemos disfrutar cada semana d’un nuevo capitol d’Aprende Aragonés con Totón, una iniciativa que surte dende a plataforma Millor en Aragonés, ta amanar l’aragonés a totz os publicos.
Millor en Aragonés ye un espacio de trobada ta toda la chent intresada en iste idioma dende an que espardir a luenga y, a verdat, ye que o suyo obchectivo se ye cumplindo: dende que prencipioron en o mes d’abril a publicar os cursos online Aprende Aragonés con Totón cients de personas han visto los videos d’a suya canal de Youtube y ya cuentan con 14 capítols punchaus en as grafías de l’Estudeo de Filolochía Aragonesa (EFA) y d’o Consello d’a Fabla Aragonesa (CFA).
Os impulsors d’a iniciativa sinyalan que son parando nuevas actividatz ta conscienciar a la chent de que pueden fer todas as suyas fainas cutianas en aragonés, y que ye millor fer-lo en ista luenga porque asinas ye como s’evita la suya extinción. Tamién indican que les “fería goyo que a población estase más involucrada en a conservadura d’a luenga, porque ye un treballo que hemos de fer totz y todas chuntas, a ixena”.
