VILAWEB / ARREDOL | Os habitants d’as Islas Canarias votarán sobre as prospeccions petroleras en a suya costa maritima. Será o 23 de noviembre, seguntes anunció ahiere o president d’o gubierno canario, Paulino Rivero. A pregunta que se ferá ye a siguient: "Creyetz que as Canarias han de cambiar o suyo modelo ambiental y turistico por as prospeccions de gas y petrolio?".
Rivero considera que a consulta ye de tot chustificada atendendo a la carencia de sensibilidat y de respecto institucional por o gubierno espanyol. "A leyaltat ha estau absoluta y no hemos teniu as condicions minimas que fan falta entre administracions", dició.
O president canario querió marcar distancia con a consulta d’o 9 de noviembre en Catalunya. Seguntes Rivero, a suya pregunta entra dentro d’as competencias d’a lei de participación ciudadana, aprebada fa poco por o parlamento canario.
