Altavoz

Buenas prácticas

El pasau dia 15 de setiembre de 2018 va celebrar-se al Palácio de Congresos de Boltanya una jornada consagrada a «buenas práuticas educativas» i llengua aragonesa. Pel evento van desfilar temas ben diversos, dende normativa legal hasta recursos didácticos, pasant per la controversia gráfica de l’aragonés, que continúa irresoluta. El próximo mes de mayo se...
| 20 diciembre, 2018 12.12
Buenas prácticas

El pasau dia 15 de setiembre de 2018 va celebrar-se al Palácio de Congresos de Boltanya una jornada consagrada a «buenas práuticas educativas» i llengua aragonesa. Pel evento van desfilar temas ben diversos, dende normativa legal hasta recursos didácticos, pasant per la controversia gráfica de l’aragonés, que continúa irresoluta.

El próximo mes de mayo se celebraran eleccions autonómicas a Aragon. Mos trobam devant dels últimos seis meses de l’actual legislatura i, per tanto, tenim una perspectiva més que prudencial pa fer balance de las accions i midas que esta Direccion General de Política Lingüística (DGPL) ha destinau, per quatre ans, a la salvaguarda del patrimonio lingüístico de l’Alto Aragon.

Como asociacion preocupada per la supervivéncia i dignificacion d’ixe património, advertim que, en las nuestras colaboracions con la DGPL, hem percibiu auséncia de comunicacion, conductas erráticas i, sobre tot, actuacions masa precipitadas. També mos veyem en la obligacion de remarcar que el princípio i la fin de la DGPL habrian de ser las variedaz dialectals de l’Alto Aragon, i no el neo-aragonés u fabla.

El caso de la ensenyança regllada d’aragonés resulta especialment paradigmático, i mos preocupa asabelo. L’An Académico 2017-2018, un total de 1.108 alumnos van cursar ensenyança regllada d’aragonés als Centros Educativos de l’Alto Aragon, seguntes manifestan els datos de la própia DGPL. Per desgrácia, la inmensa mayoria d’ixes alumnos no habran aprendiu aragonés.

En efecto, mos constan casos de profesors que estan sent destinaus enta l’Alto Aragon sin la formacion ni els materials necesários como pa ensenyar aragonés als suyos alumnos. Els més d’estes profesors proceden de cursos d’ensenyança no regllada u del Diplloma d’Especializacion en Filologia Aragonesa. Precisament per esta procedéncia, els profesors no dominan nenguna de las variedaz constitutivas d’aragonés, sino una llengua artificial que va crear-se ex novo, ara fa cinco décadas, con la intencion de sostenir un proyecto político identitário i, en ocasions, no dominan ni ixe constructo lingüístico. Estes profesors son enviaus enta l’Alto Aragon solos, sin contactos locals, sin conoixer la llengua ni la realidat socio-lingüística del país, i sin materials didácticos orientaus a restaurar la variedat dialectal própia. Se lis demanda que ensenyen aragonés sin saber-ne i sin contar con els recursos pa fer-lo, i, de vez, han d’ensenyar-lo soportant la hostilidat i las críticas del cllaustro i dels naturals. En síntesis, una experiéncia nefasta pa toz: profesors, pares, alumnos i aragonés.

Subrayam que no parlam de casos puntuals, i temem que esta situacion vaiga a més quan la fabla s’acredite como aragonés per medio de la Mencion de Mayestro d’Aragonés del Grau de Magisterio de la Universidat de Zaragoça, u pels examens de nivell conforme al Marco Comun Europeu de Referéncia. Uns examens, per cierto, que a territórios como Asturias, con quatre décadas de treball sobre el romance autóctono i cinco cientos profesors ben formaus, encara no s’han atreviu a fer. En conseqüéncia, podem afirmar que la DGPL está convocant pllaças d’aragonés sin dotar-las dels médios adeqüaus. Una situacion que resultaria impensable pa qualquier altra asignatura u idioma, i que, pa una llengua minorizada como l’aragonés, resulta letal.

Dende la Sociedat de Lingüística Aragonesa sempre mos hem mostrau ubiertos a colaborar con la DGPL, pero con transparéncia i en peu d’igualdat. Considerant únicament la problemática de la ensenyança, l’octubre pasau vam concretar la nuestra voluntat de colaboracion ofertant la posibilidat d’organizar un Seminário de Formacion de Profesors d’Aragonés. Ixa propuesta sigue, encara hoi, aguardant una contestacion.

La revitalizacion de la llengua aragonesa ha de conducir-se con realismo i sumo respeto, partint dels dialectos constitutivos i sin atorgar espacios institucionals ni subvencions económicas a la fabla. Tot lo de demés é perpetuar un despropósito pseudo-lingüístico u fer propaganda electoral. Son éstas las buenas prácticas que necesitam?

20 diciembre, 2018

Autor/Autora


Flickr
Twitter
Facebook

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de nuestra política de cookies, pinche el enlace para mayor información.

CERRAR