“Brioleta”, 8ª Trobada d’Escritoras Aragonesas en Yesero iste cabo de semana

Se i presentará un libro con ueito relatos curtos ineditos d'escritoras aragonesas que han participau en as trobadas literarias.

A localidat de l’Alto Galligo Yesero acullirá iste cabo de semana, d’o 3 a o 5 de chulio a 8ª Trobada d’Escritoras AragonesasBrioleta“.

A ideya ye que un grupo d’escritoras aragonesas amostre as suyas obras y que comparta en iste foro as suyas experiencias como escritora a o publico present. Unas cinquanta escritoras de qualsiquiera d’as tres luengas d’Aragón, aragonés, catalán y castellano ha participau en ista trobada dende 2008.

En ista edición se presentará un libro con ueito relatos curtos ineditos de Lourdes Aso, María Pilar Benítez, Elena Gusano, Chusa Garcés, Blanca Langa, Angélica Morales, Marta Navarro y Almudena Vidorreta editau por “Pregunta Ediciones” que naixió a radiz d’iste foro literario.

I tienen cullida atras actividatz como tallers, mesas redondas, conciertos u teatro. En ista ocasión se contará con a presencia d’o grupo Dorondón Teatro dende Biescas.

Articlo publicado en Arredol.

Autor/Autora

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de nuestra política de cookies, pincha el enlace para más información.

ACEPTAR
Aviso de cookies