ARREDOL | Os diyas 15 y 16 de noviembre se realizarán diversos actos en a localidat ribagorzana de Benás que tendrán como final a entrega d’os premios literarios “Villa de Benasque”. Os ganadors se conoixerán o mesmo diya 16.
Istos premios se facioron bianyals, ixamplando asinas mesmo o plazo d’admisión d’as obras literarias. Amás se reducioron as categorías d’os premios, quedando-se as categorías de poesía y narrativa en castellano y aragonés patués, que serán as que se conoixcan y s’entreguen istos diyas, y as categorías infantil en aragonés patués y os prochectos d’investigación, que se darán mas entabant.
Os alumnos y alumnas d’a localidat serán os protagonistas d’a chornada do huei, que s’adedicará a o patués. O sabado se celebrará una veilada literaria en a que se conoixerán as personas y obras ganadoras d’os premios literarios por medio d’un churau literario que tendrá mayor presencia de personas relacionadas con Benás. O presupuesto pa ista anyada ye de 18.100 euros.
